ការពិតនៃ «ភាពរីករាយ» នៅទូទាំងពិភពលោក!
ភាពរីករាយកើតចេញពីគ្រប់ជ្រុងនៃជីវិត តាំងពីការងារ សុខភាព មិត្តភាព ស្នេហា។ល។ តែ ប្រទេសនីមួយឲ្យតម្លៃទៅលើភាពរីករាយខុសៗគ្នា។ នៅដើមឆ្នាំ២០១៧ នេះប្រទេសន័រវែស ត្រូវបានគេទទួលស្គាល់ថាជាប្រទេសដែលរីករាយបំផុត។ បន្ទាន់ពីប្រទេសន័រវែស នោះគឺប្រទេស ដាណឺម៉ាក អ៊ីសឡង់ដ៍ និងស្វីស។ ខាងក្រោមនេះជាអ្វីដែលជំរុញឲ្យប្រទេសទាំងនេះមានភាពរីករាយ៖
១) ធ្វើការឲ្យខ្លួនឯង៖ ការធ្វើការឲ្យខ្លួនឯងមានគុណសម្បត្តិនិងគុណវិបត្តិ។ ការធ្វើការឲ្យខ្លួនឯងក៏មានន័យថា ជាសិទ្ធិសេរីភាពក្នុងការធ្វើអ្វីមួយដោយខ្លួនចង់ធ្វើ។ នៅប្រទេសដែលអភិវឌ្ឍន៍ មនុស្សជាច្រើនដែលធ្វើការឲ្យខ្លួនឯងមានភាពរីករាយជាជាងមនុស្សដែលធ្វើការតាមច្បាប់ទម្លាប់ និងធ្វើការឲ្យគេ។
២) មនុស្សសប្បាយប្រសិនជាពួកគេមានពេលលំហែកាយ៖ ប្រជាជនអាមេរិកជាច្រើនតែរីករាយនាថ្ងៃសម្រាក។ មនុស្សដែលបានដើរលេងឬលំហែកាយច្រើនតែមានភាពរីករាយជាមនុស្សដែលគិតតែពីការងាររាល់ថ្ងៃ ពីព្រោះពួកគេមានទុក្ខកង្វល់ ហើយគ្មានពេលបញ្ចេញមកក្រៅ។
៣) គិតពីសុខភាព៖ មនុស្សជាច្រើនមានជំងឺ ហើយការមានជំងឺទាំងអស់នោះហើយដែលប៉ះពាល់ដល់ភាពរីករាយរបស់មនុស្ស ពីព្រោះថាវាប៉ះពាល់ដល់ថវិកា ការងារនិងសុខភាព។ សុខភាពផ្លូវកាយនិងផ្លូវចិត្តគឺសំខាន់ដូចគ្នា។ប្រសិនជាអ្នកចង់រីករាយ អ្នកគួរតែផ្តោតអារម្មណ៍ទៅលើបញ្ហាទាំងពីរនេះឲ្យបានច្រើនជាងមុន៕
ប្រែសម្រួល៖ អុឹង មុយយូ ប្រភព៖ www.entrepreneur.com
