បើចេះតែបារម្ភ និង គិតច្រើនជ្រុល អ្នកគួរគិតដល់ចំណុចទាំងនេះ
អ្នកតែងតែបារម្ភ បារម្ភគ្រប់យ៉ាង មិនថាកិច្ចការសាលា រឿងគេង រឿងការងារ រឿងស្នេហា។ល។ គ្រាន់តែគិតដល់រឿងទាំងនេះក៏ថប់ខ្យល់បាត់ទៅហើយ។ ការបារម្ភគឺជាឃាតករលាក់មុខដែលសម្លាប់សុខភាព ភាពរីករាយនិងជីវិតរបស់អ្នក។ តើអ្នកអាចធ្វើអ្វីបានក្នុងការជម្នះនូវការគិតច្រើននេះ៖
១) សមិទ្ធផលតូចៗក៏ត្រូវរាប់ចូល៖ ដើម្បីកាត់បន្ថយនូវភាពបារម្ភ ចំណុចដំបូងដែលអ្នកត្រូវធ្វើគឺផ្តោតអារម្មណ៍ទៅលើសមិទ្ធផលតូចៗដែលអ្នកមានជារៀងរាល់ថ្ងៃ។ នៅពេលដែលយើងផ្តោតសំខាន់ទៅលើរឿងវិជ្ជមានក្នុងជីវិត អ្នកមិនត្រឹមតែកាត់បន្ថយនូវការបារម្ភ ថែមទាំងបង្កើនកម្លាំងចិត្តនិងនាំយកនូវភាពរីករាយក្នុងជីវិត។
២) ធ្វើការផ្លាស់ប្តូរ៖ វិធីផ្សេងមួយទៀតដែលជួយកាត់បន្ថយការបារម្ភគឺការផ្លាស់ប្តូរនូវការគិតពីបញ្ហា។ ប្រសិនជាអ្នកនៅតែបារម្ភលើបញ្ហាដែលមិនទាន់កើតឡើង វាក៏មិនផ្តល់អត្ថប្រយោជន៍អ្វីដល់អ្នកដែរ។ ផ្ទុយទៅវិញ ប្រសិនជាអ្នកដោះស្រាយនូវបញ្ហាដែលអ្នកជួបជាប្រចាំថ្ងៃវិញ អ្នកកំពុងតែកាត់បន្ថយនូវបញ្ហានាថ្ងៃអនាគត។ ពិតប្រាកដណាស់ មនុស្សជាច្រើននៅតែបារម្ភពីនេះបារម្ភពីនោះ ប៉ុន្តែធ្វើពុំភ័យ។ ចូរចងចាំថា អ្នកមានថាមពលក្នុងការគ្រប់គ្រងជីវិតរបស់អ្នក៕
ប្រែសម្រួល៖ អុឹង មុយយូ ប្រភព៖ www.lifehack.org
