កុងតឺណឺ ៥គ្រឿង ជាប់ជារថយន្តដឹកទំនេញទំនើបបំផុត មានបច្ចេកវិទ្យាបើកបរស្វ័យប្រវត្តិ (Video)
ស្របពេលបច្ចេកវិទ្យាកំពុងមានការរីកចម្រើនខ្លាំងផ្នែកប្រព័ន្ធរថយន្តបើកបរស្វ័យប្រវត្តិនោះ គេសង្កេតឃើញថា ក្រុមហ៊ុនរថយន្តល្បីៗលើលោកដូចជា Google, Honda, Audi, Hyundai និង Uber ជាដើមនោះ សុទ្ធតែបានត្រៀមខ្លួន បញ្ចេញ self-driving car របស់ខ្លួននៅលើទីផ្សារឆាប់ៗ។ ទន្ទឹមនោះ ក៏មានការអភិវឌ្ឍប្រភេទរថយន្តដឹកទំនិញស្វ័យប្រវត្តិផងដែរ។
https://youtu.be/xqpNZQTi0Ls
១) Freightliner Inspiration Truck
លក្ខណៈបញ្ជាដ៏ពិសេសរបស់ Freightliner Inspiration គឺមិនបាច់ការបញ្ជាផ្ទាល់ នោះទេ ពោលប្រព័ន្ធគ្រប់គ្រងរបស់រថយន្ដត្រូវភ្ជាប់ជាមួយប្រព័ន្ធកុំព្យូទ័រ គ្របដណ្ដប់ទាំងអស់ មិនថាជាន់ហ្វ្រាំង ជាន់ហ្គ័រ រឺប្រព័ន្ធផ្សេងៗនោះទេ ត្រូវបញ្ជាក្នុងកុំព្យូទ័រទាំងអស់ ។
២) Mercedes-Benz Future Truck 2025
Mercedes ដែលជាក្រុមហ៊ុនផលិតរថយន្តដ៏ល្បីមួយរបស់ប្រទេសអាល្លឺម៉ង់បានធ្វើការបង្ហាញនូវគំរូរថយន្តដឹកទំនិញរបស់ខ្លួនដែលអាចបើកដោយដោយខ្លួនឯងបាន សម្រាប់រយៈពេល១០ឆ្នាំខាងមុខ។
Mercedes-Benz ឆ្នាំ ២០២៥ មួយនេះមានបំពាក់ប្រព័ន្ធរ៉ាដា និងកាមេរ៉ាដែលអាចដឹងពី ចំណែកផ្លូវ យានជំនិះផ្សេងទៀតវ និងភ្លើងសញ្ញាចរាចរណ៍បានថែមទៀតផង។ ជាពិសេសទៅទៀតនោះ នៅពេលដែលប្រព័ន្ធរថយន្តកំពុងដំណើរការអ្នកបើកបរមិនចាំបាច់ប៉ះចង្កូត ជាន់ហ្វ្រាំង ឬដាក់លេខនោះទេ។ វាមានភ្ជាប់ផែនទី GPS ដែលវាជួយកំណត់ល្បឿន ដឹងទីទួលឬអត់ ដែលអាចប្តូរលេខដោយខ្លួនឯង និងជួយសន្សំសំចៃប្រេង។
៣) Volvo Self Driving Truck
Volvo ដែលជាក្រុមហ៊ុនរថយន្តល្បីឈ្មោះនៅប្រទេសស៊ុយអែដ ដែលមានគម្រោងបញ្ចេញរថយន្តដឹកទំនិញធំៗ បើកបរស្វ័យប្រវត្តិ ដើម្បីជួយសម្រួលដល់តៃកុងមិនបាច់ហត់នឹងប្រឹងបញ្ជាចង្កូត ក៏ដូចជាផ្ដោតអារម្មណ៍ខ្លាំងដូចមុនទៀតទេ។ វាអាចធានាបានសុវត្ថិភាពខ្ពស់ ក្រោយការធ្វើតេស្តមានមនុស្សឈរពីមុខរថយន្ត នោះវានឹងឈប់។
៤) Otto and Budweiser Truck
OTTO ជារថយន្តបើកបរស្វ័យប្រវត្តិ សមិទ្ធផលថ្មីរបស់ក្រុមហ៊ុនឈ្មោះ Otto ផ្ទាល់។ វាត្រូវបានធ្វើការសាកល្បងនៅរដ្ឋកាលីហ្វ័រញ៉ា សហរដ្ឋអាមេរិកកាលពីពេលកន្លងទៅ។
៥) Embark Self-Driving truck
ជារថយន្តដឹកទំនិញចុងក្រោយ ដែលមានសមត្ថភាពខ្ពស់អាចបើកបរដោយមិនចាំបាច់មនុស្សបញ្ជាឡើយ។
ដោយ៖ រឹទ្ធិរាជ
ប្រភព៖ techcrunch, youtube, yahoo
