តើអ្នកជាអ្នករងគ្រោះ ឬអ្នកឈ្នះ? សញ្ញា ៥យ៉ាងបង្ហាញថា «អ្នកជាអ្នកឈ្នះ»
ជឿ ថា គ្មាននរណាម្នាក់លើលោកនេះ ចង់ក្លាយជាអ្នកបរាជ័យទេ។ មនុស្សគ្រប់រូបតែងចង់ឈ្នះលើអ្វីៗគ្រប់យ៉ាង តែវាមិនអាចទៅរួចឡើយ បើអ្នកគ្មានផ្លូវដើរឲ្យសមស្របនោះទេ។ តើធ្វើយ៉ាងណា អាចនាំខ្លួនឯងឲ្យជោគជ័យហើយឈ្នះរាល់ឧបសគ្គបាន?
១) ត្រៀមខ្លួនពេលមានឧបសគ្គមកដល់៖ ពេលដែលអ្នកតែងតែគិតថារឿងអាក្រក់កើតឡើងលើអ្នក ហើយអ្នកសួរខ្លួនឯងថា «ហេតុអ្វីអ្នកទៀតហើយ» វាបង្ហាញថាអ្នកជាមនុស្សបរាជ័យហើយ។ ដូចនេះ អ្នកត្រូវផ្លាស់ប្ដូរគំនិតខ្លួន ។ ជំនួសដោយការសួរខ្លួនឯង នូវសំណួរខាងលើ អ្នកត្រូវគិតថាតើគួរធ្វើអ្វីដើម្បីជម្នះឧបសគ្គនោះវិញ។
២) កុំគិតពីរឿងអតីតកាល៖ នៅពេលអ្នកចាប់ផ្ដើមធ្វើអ្វីមួយ ដោយសោកស្ដាយនឹងរឿងអតីតកាល វាមានន័យថា អ្នកកំពុងដើរតៅរកផ្លូវបរាជ័យហើយ។ ហេតុនេះហើយ អ្នកត្រូវផ្លាស់ប្ដូរវា ដើម្បីជោគជ័យ។ អ្នកគប្បីកប់កំហុសដែលមានទុក ក្នុងពេលអតីតកាលនោះចុះ តែកុំភ្លេចទុកវាជាមេរៀនផង។
៣) កុំប្រៀបធៀបខ្លួននឹងអ្នកដទៃ ៖ មនុស្សដែលឈ្នះគេមិនដែលប្រៀបធៀបខ្លួនឯងទៅនឹងអ្នកដទៃទេ។ មានតែមនុស្សដែលចាញ់ទេ ដែលចាត់ទុកថាខ្លួនអន់ជាងអ្នកដទៃរហូតនោះ។
៤) សប្បាយរីករាយនឹងជោគជ័យខ្លួន៖ អ្នកគួរតែរីករាយនឹង ភាពជោគជ័យខ្លួន មិនថាវាតូចឬធំនោះទេ។ បើមុនដូច្នោះទេ អ្នកនឹងកាន់តែព្រងើយកន្តើយភាពជោគជ័យខ្លួនអស់មួយជីវិតមិនខាន។
៥) មិនដែលឃើញខ្លួនបរាជ័យម្ដងទេ៖ អ្នកឈ្នះ គឺមិនដែលគិតថាខ្លួនបរាជ័យទេ ប្រសិនបើគេមិនទាន់បានសាកល្បង៕
ប្រែសម្រួល៖ ព្រំ សុវណ្ណកណ្ណិកា ប្រភព៖ huffingtonpost
