យោងតាមរបាយការណ៍ថ្មីមួយ កាលពីពេលថ្មីៗនេះបានឱ្យអះអាងថា Nokia 9 នឹងមានលក់លើទីផ្សារក្នុងតម្លៃប្រហែល ៦៩៩ដុល្លារ សម្រាប់ទីផ្សារអាមេរិក ចំណែកទីផ្សារអឺរ៉ុបតម្លៃល្បាក់ ៧៤៩អឺរ៉ូ។ កន្លងទៅយើងធ្លាប់ឮដំណឹងពាក់ព័ន្ធស្មាតហ្វូនខ្លាំងរបស់ Nokia នេះមកហើយថា វានឹងបំពាក់នូវអេក្រង់ ៥,៥អ៊ីញកម្រិត QHD (2560x1440)px ហើយនឹងបំពាក់ដោយឈីបសមត្ថភាពខ្ពស់ Qualcomm Snapdragon 835។
ចំណែកចចាមអារ៉ាមផ្សេងៗបានលើកឡើងកំពូលស្មាតហ្វូន Android ដំបូងរបស់ Nokia នេះ នឹងភ្ជាប់មកជាមួយ RAM ទំហំធំគឺដល់ 6GB ដើម្បីប្រកួតប្រជែងស្មាតហ្វូនស៊េរីខ្ពស់ៗរបស់ Samsung (Galaxy S8), Apple (iPhone 8), Huawei (Huawei P10) ក៏ដូចជាស្មាតហ្វូនទំនើបរបស់ LG (LG G6)។ Nokia 9 នឹងមានមេម៉ូរីម៉ាស៊ីនពីរជម្រើសគឺ 64GB/128GB និងអាចបន្ថែមកាត microSD បានថែមទៀត។
ចំពោះកាមេរ៉ានៅលើស្មាតហ្វូនខ្លាំងរបស់ Nokia នេះ ត្រូវគេរំពឹងថា អាចមានទំហំ 22MP ប្រភេទជាកាមេរ៉ាភ្លោះ (dual camera) និងកាមេរ៉ាទំហំ 12MP។ កាមេរ៉ាក្រោយនឹងមានបំពាក់នូវបច្ចេកវិទ្យាលែន Carl Zeiss។ Nokia 9 ថែមទាំងត្រូវគេរំពឹងថា នឹងបញ្ចូលបច្ចេកវិទ្យាសំឡេង OZO របស់ Nokia ផ្ទាល់ ហើយមានថាមពលថ្ម 3800mAh ដើរដោយប្រព័ន្ធប្រតិបត្តិការ Android 7.1.2 និងមានមុខងារមិនជ្រាបទឹក IP68 មិនឱ្យចាញ់ស្មាតហ្វូនទំនើបបច្ចុប្បន្ននោះឡើយ៕
ប្រែសម្រួល៖ រឹទ្ធិរាជ
ប្រភព៖ NPU
