ដំបូន្មានដ៏មានប្រយោជន៍ក្នុងការស្នើប្រាក់កម្ចីសម្រាប់ទិញផ្ទះក្នុងក្តីស្រមៃរបស់អ្នក
ការស្វែងរកផ្ទះក្នុងក្តីសុបិនរបស់អ្នកអាចជារឿងមួយដ៏គួរឱ្យរំភើប ប៉ុន្តែវាក៏អាចក្លាយជាភាពធុនថប់មួយប្រសិនបើអ្នកមានជម្រើសច្រើនពេកនេះគឺជាការពិតនៅពេលដែលសម្រេចចិត្តថាតើអ្នកខ្ចីលុយទិញផ្ទះ ឫក៏អត់។
ជាទូទៅការដើរមើលលំនៅដ្ឋានគួរធ្វើមុនពេលដាក់ពាក្យសុំប្រាក់កម្ចី ប៉ុន្តែតើតាមវិធីនេះពិតជាមានប្រសិទ្ធិភាពដែរឫទេ?
ប្រាកដណាស់អ្នកត្រូវគិតថាការដឹងពីតម្លៃផ្ទះជាមុនក៏អាចជួយអ្នកបានដែរដោយសារអ្នកអាចដឹងថាតើប្រាក់ប៉ុន្មានត្រូវខ្ចី ប៉ុន្តែជាធម្មតាអ្នកទិញត្រូវបានខកចិត្តបន្ទាប់ពីបានគិតទៅលើចំណុចនេះ។ ធនាគារគឺមិនមែនជាកន្លែងដែលអ្នកអាចយក លុយពេលណាបានស្រេចតែចិត្តនោះទេ គឺមានដែនកំណត់របស់ធនាគារអាស្រ័យលើការវាយតម្លៃលើពាក្យស្នើរសុំរបស់អ្នក។ ហើយមានការគណនាមួយលើចំនួនទឹកប្រាក់កម្ចីគោលដែលបានខ្ចី ពេលខ្លះមានន័យថាពួកគេអាចអនុម័តឲ្យខ្ចីត្រឹមតែពាក់កណ្តាលនៃតម្លៃនៃផ្ទះទាំងមូលប៉ុណ្ណោះ។ នេះអាចជាការខកចិត្តសម្រាប់មនុស្សមួយចំនួនជាពិសេសប្រសិនបើអ្នកបានស្វែងរកលំនៅដ្ឋានដែលត្រូវទិញរួចទៅហើយ។
វិធីសាស្ត្រអាចជួយអ្នកបាន គឺប្រាក់កម្ចីជាមុន (loan pre-approved)ដែលជាវិធីមួយអាចឲ្យអ្នកសន្សំពេលវេលាបានច្រើនជំនួសឱ្យការរង់ចាំទទួលប្រាក់កម្ចីទិញផ្ទះ អ្នកអាចមានសិទ្ធិចរចាតម្លៃដោយសារអ្នកមានប្រាក់នៅក្នុងដៃស្រាប់រួចទៅហើយ។
ចំណេះដឹងនៃប្រាក់កម្ចីជាមុន អាចបង្រៀនឲ្យអ្នកចេះរៀបចំផែនការនៃការចំណាយនៅពេលអនាគតរបស់អ្នកបន្ទាប់ពីការទិញផ្ទះដូចជា៖ ប្រាក់កម្ចីទិញផ្ទះ ឫអ៊ីប៉ូតែក អត្រាការប្រាក់ និងការចំណាយលើការជួសជុលផ្ទះផងដែរ ក៏ដូចជាការផ្តល់ឱ្យអ្នកដឹងពីចំនួននៃទឹកប្រាក់ដែលអ្នកចង់ធ្វើហិរញ្ញបទានសរុបផងដែរ។
អ្នកគួរតែសម្រេចចិត្តទទួលបានប្រាក់កម្ចីជាមុន(loan pre-approved) ឬយ៉ាងណា? អ្នកក៏ត្រូវធ្វើចិត្តឲ្យទូលាយសម្រាប់ឱកាសល្អៗដែលអ្នកមិនធ្លាប់បានដឹងកន្លងមក។ មន្ត្រីឥណទានបានធ្វើការងារជាច្រើនជាមួយនឹងមនុស្សជាច្រើនទៀតដែលស្ថិតនៅក្នុងស្ថានភាពដូចជាអ្នកដែរ។ ទាំងនេះក៏បានអនុញ្ញតឲ្យអ្នកដឹងនូវគន្លឹះ និងបានសិក្សាបន្ថែមជាក់ស្តែងអំពីការស្នើឥណទាន ក៏ដូចជាដំបូន្មានមួយចំនួនលើបទពិសោធន៍របស់ពួកគេកន្លងមក។
មិនថាអ្នកជាអ្នកទិញផ្ទះលើកដំបូង ឫមិនមែនក៏ដោយ វាមានសារៈសំខាន់ដោយត្រូវពិនិត្យមើលឲ្យល្អិតល្អន់នៃផែនការទិញផ្ទះ។ ដោយសារតែពេលខ្លះ ការដឹងពីដែនកំណត់នៃទឹកប្រាក់របស់អ្នកមិនមានន័យថាអ្នកមានការដាក់កំហិតមួយនោះទេ។ អាស្រ័យលើរបៀបដែលអ្នកពិនិត្យចង់បានរបស់អ្នកហើយអ្នកក៏កាន់មានសេរីភាពក្នុងការសម្រេចចិត្តបានយ៉ាងទូលំទូលាយផងដែរ។ ស្វែងយល់បន្ថែម សូមអាន realestate.com.kh
