អ្នក​ជំនាញ​ផ្នែក​សុខភាព​បាន​ទទួល​ស្គាល់​អំពី​ហានិភ័យ​យ៉ាង​ធ្ងន់ធ្ងរ​នៃ​វិទ្យុសកម្ម​ទូរស័ព្ទ​ដៃ​ ហើយ​របាយការណ៍​ចេញ​ពី​អង្គការ​សុខភាព​ពិភពលោក​បាន​អះអាង​ថា មនុស្ស​ជាច្រើន​កំពុង​មាន​ការ​សង្ស័យ​អំពី​ផល​ប៉ះពាល់​សុខភាព​ដោយ​សារ​បច្ចេកវិទ្យា​ឥត​ខ្សែ (wireless)។ វិទ្យុសកម្ម​កំពុង​ស្ថិត​ក្នុង​ក្ដី​ព្រួយបារម្ភ​យ៉ាង​ខ្លាំង ព្រោះ​វា​អាច​បង្ក​ផល​ប៉ះពាល់​យ៉ាង​ខ្លាំង​ដល់​មនុស្ស រហូត​អាច​ប្រឈម​ជំងឺ​មហារីក​ខ្ពស់។

ការ​សិក្សា​ជាច្រើន​បង្ហាញ​ថា ដំណើរ​វិវត្តន៍​សរីរាង្គ​របស់​ក្មេង គឺ​មាន​កម្រិត​ទាប​ជាង​ដង់ស៊ីតេ​ឆ្អឹង​លលាដ៍ក្បាល ទម្ងន់​ខ្លួន​ស្រាល និង​ប្រព័ន្ធ​គ្រប់គ្រង​ឈាម​ក្នុង​ខួរក្បាល​ទន់ខ្សោយ ធ្វើ​ឱ្យ​កុមារ​ងាយ​រង​គ្រោះ​ថ្នាក់​ដោយ​សារ​ឥទ្ធិពល​នៃ​វិទ្យុសកម្ម​ទូរស័ព្ទ។ ដូច្នេះ​ក្មេងៗ ងាយ​រង​ផល​ប៉ះពាល់​ជាង​មនុស្ស​ធំ តែ​ទាំង​ពីរ​វ័យ​ក៏​ត្រូវ​ទប់ស្កាត់​ទាំង​អស់​ដែរ។ https://youtu.be/Q0o3Ci71W6U ផ្អែក​តាម​ការ​ធ្វើតេស្ត​របស់​គណៈកម្មការ​គមនាគមន៍​សហព័ន្ធ​ឱ្យ​ដឹង​ថា កម្រិត​វិទ្យុសកម្ម​ឡើង​ខ្ពស់​លើ​ទូរស័ព្ទ​គឺ​អាស្រ័យ​លើ​ក្រុម​បញ្ជូន (transmission band) ដែល​ទូរស័ព្ទ​ខ្លះ​អាច​ប្រើ band ច្រើន​ខណៈ​ពេល​កំពុង​សន្ទនា​តាម​ទូរស័ព្ទ។ តាមរយៈ​នេះ នឹង​ធ្វើ​ឱ្យ​ទូរស័ព្ទ​មាន​វិទ្យុសកម្ម​ខ្ពស់​ជាង​ការ​ប្រើប្រាស់​ធម្មតា។

គណៈកម្មការសហព័ន្ធផ្នែកទំនាក់ទំនង FCC របស់អាមេរិកបានកំណត់ហៅការសាយភាយសារធាតុវិទ្យុសកម្មទូរស័ព្ទថា ជាអត្រាសូបយកជាក់លាក់ SAR ដែលមានខ្នាត វ៉ាត់ក្នុងមួយគីឡូក្រាម (W/kg) ហើយមានកម្រិតគ្រោះថ្នាក់ខ្ពស់បំផុតនៅតម្លៃ 1.6W/kg។ ចំណែកច្បាប់និយតកម្មរបស់កាណាដា និងនៅអឺរ៉ុបគឺបានកំណត់យក 2.0W/kg។ តាមតារាងចំណាត់ថ្នាក់ទូរស័ព្ទដែលមានវិទ្យុសកម្មខ្ពស់បំផុត និងទាបបំផុតចេញផ្សាយដោយ cellphones.procon.org បង្ហាញថា Motorola Droid Maxx និង Motorola Droid Ultra ដែលប្រើប្រាស់សេវាទូរស័ព្ទ Verizon គឺជាស្មាតហ្វូនដែលមានវិទ្យុសកម្មខ្ពស់បំផុតមានតម្លៃ 1.54W/kg ហើយទូរស័ព្ទដែលមានវិទ្យុសកម្មទាបជាងគេក៏ជារបស់ Motorola ដែរ ចំនួនពីរម៉ូដែលគឺ Motorola v.101 និង Motorola V.100 មានតម្លៃ 0.14W/kg។

ខាង​ក្រោម​នេះ គឺ​ជា​ទូរស័ព្ទ​ចំនួន ១០ម៉ូដែល​ដែល​គេហទំព័រ davidwolfe ស្រាវជ្រាវ​ឃើញ​ថា​មាន​កម្រិត​វិទ្យុសកម្ម​ខ្ពស់​បំផុត (​រាប់​ពី​លើ​ចុះ​ក្រោម) ៖ ១) Motorola Droid Maxx 1.54 Verizon ២) Motorola Droid Ultra 1.54 Verizon ៣) Alcatel One Touch Evolve 1.49 T-Mobile ៤) Huawei Vitria 1.49 Metro PCS ៥) Kyocera Hydro Edge 1.48 Sprint ៦) Kyocera Kona 1.45 Sprint ៧) Kyocera Hydro XTRM 1.44 Metro PCS ៨) BlackBerry Z10 1.42 Verizon ៩) BlackBerry Z30 1.41 Verizon ១០) ZTE Source 1.41 Cricket ខាង​ក្រោម​នេះ គឺ​ជា​ទូរស័ព្ទ​ចំនួន ១០ម៉ូដែល​ដែល​គេហទំព័រ davidwolfe ស្រាវជ្រាវ​ឃើញ​ថា​មាន​កម្រិត​វិទ្យុសកម្ម​ទាប​បំផុត​ដែល​អ្នក​អាច​ពិចារណា​ទិញ​ប្រើ​បាន ៖ ១) Verkool Vortext RS90 0.18 Unlocked ២) Samsung Galaxy Note 0.19 T-Mobile ៣) ZTE Nubia 5 0.225 Unlocked ៤) Samsung Galaxy Note 2 0.28 Verizon ៥) Samsung Galaxy Mega 0.321 AT&T ៦) Kyocera Dura XT 0.328 Sprint ៧) Pantech Discover 0.35 AT&T ៨) Samsung Galaxy Beam 0.36 Unlocked ៩) Samsung Galaxy Stratosphere II 0.37 Verizon ១០) Pantech Swift 0.386 AT&T ចុះ​ប្រិយមិត្ត​តើ​ក្នុង​ចំណោម​ស្មាតហ្វូន​រៀបរាប់​ខាង​លើ មាន​ប៉ះ​ម៉ូដែល​ណា​ដែល​អ្នក​កំពុង​ប្រើ​ឬ​អត់? ប្រែ​សម្រួល៖ រឹទ្ធិរាជ ប្រភព៖ davidwolfe