ក្រុមអ្នកស្រាវជ្រាវនៅសាកលវិទ្យាល័យបច្ចេកវិទ្យា Vienna ឬហៅ Tu Wien របស់ប្រទេសអូទ្រីស ថ្មីៗនេះទើបផលិតបានមៃក្រូប្រូសេសស៊័រ (microprocessor) រលាស់ ឬអាចពត់បាន (flexible) ដោយប្រើក្នុងទម្រង់ផ្លាស់ប្ដូរតាមលោហៈ dichalcogenide (TMD)។ វាមានលក្ខណៈ ដូចជា ក្រាហ្ភីន (graphene) ដែរ TMDC អាចត្រូវបានប្រើក្នុងទម្រង់ជាស្រទាប់ (layer) ដែលមានកម្រាស់ស្ដើងបំផុត ដូចជាអាតូម១ អីចឹង។ នេះមានន័យថា microprocessor ថ្មីនេះ អាចឱ្យគេបំពាក់នៅលើឧបករណ៍អេឡិចត្រូនិកងាយស្រួលពត់ពែនបាន។ លក្ខណៈនេះ គេថែមទាំងអាចបង្កើតចេញនូវ Processors ដែលមានលក្ខណៈរលាស់ទៅថ្ងៃខាងមុខបាន។
យោងតាមគេហទំព័រ Network World ឱ្យដឹងថា processors មិនទាន់មានសមត្ថភាពខ្ពស់ដូច processors ស្តង់ដារនាពេលបច្ចុប្បន្ននៅឡើយ។ តាមពិត វាត្រឹមជា 1-bit processor ដែលមានត្រឹម ១១៥ត្រង់ស៊ីស្ទ័រ និងអាចត្រឹមតែដំណើរការ ៤អ៊ីស្ត្រាក់ស៊ិន (4 instructions) ប៉ុណ្ណោះ។ ទោះជាយ៉ាងណា ក្រុមអ្នកស្រាវជ្រាវបាន គូសបញ្ជាក់ថា នេះគ្រាន់តែជាជំហានដំបូងមួយ ដែលនឹងមានការបន្តអភិវឌ្ឍទៅមុខទៀត សម្រាប់ការផលិត microprocessor ទម្រង់ 2D semiconductors នេះ។ សៀគ្វីមាន ១០០ដង ធំជាង ARM processors សព្វថ្ងៃ តែក៏មានទំហំធំទៅតាមនោះដែរ។
គេរំពឹងថា ពេលខាងមុខ នឹងមានការឌីហ្សាញ microprocessor ប្រភេទប៊ីតច្រើន (multi-bit design) និងរក្សារូបរាង ទំហំឱ្យនៅតូច។ ទោះជាយ៉ាងណា ក្រុមអ្នកស្រាវជ្រាវបានអះអាងថា ពួកគេនឹងស្វែងយល់បន្ថែមទៅលើរបៀប ដើម្បីបន្ថយទំនាក់ទំនងនឹងការប្រើរ៉េស៊ីស្តង់ មុនពេលពួកគេអាចផលិតនៅលើនៅលើមាត្រដ្ឋានអនុមីក្រូម៉ែត្រ៕
ប្រែសម្រួល៖ រឹទ្ធិរាជ
ប្រភព៖ buycomputer.us
