ប្រិយមិត្ត​កំពុង​រក​មើល​ទិញ​ទូរស័ព្ទ​ទំនើប​របស់ Apple ​ប៉ុន្តែ​មិន​ចង់​ចំណាយ​ច្រើន​មែនទេ? ដូច្នេះ អ្នក​ប្រហែល​មាន​ចំណូលចិត្ត​លើ​ម៉ូដែល iPhone 6 Plus ទំហំ 128GB នេះ ព្រោះ​ត្រូវ​បាន eBay ដាក់​លក់​តម្លៃ​តែ ៣២៩ដុល្លារ​ប៉ុណ្ណោះ​ក្រោយ​ជួសជុល​រួច​ស្អាត​ផ្លឹង​។ សូម​បញ្ជាក់​ថា តម្លៃ​នេះ​មិន​មាន​ឡើង​ក្រៅពី eBay ជាក់ស្ដែង បើ​ប្រៀបធៀប​នឹង​តម្លៃ​ដែល​គេ​ចំណាយ​ពេល​ស្វែងរក​ធូរ​ជាង​គេ​នៅ​លើ Amazon យ៉ាង​ហោច​ក៏ ៤៥០ដុល្លារ​ដែរ។ នេះ​មាន​ន័យ​ថា iPhone 6 Plus ទំហំ 128GB នៅ​លើ eBay គឺ​ធូរ​ថ្លៃ​ជាង​ហាង​អនឡាញ​ផ្សេងៗ​ប្រហែល ២៧% ឯនោះ។

​សូម​បញ្ជាក់​ថា បើ​ទោះបី​នេះ​ជា iPhone ជួសជុល​ឡើង​វិញ​ក៏​ពិត​មែន ប៉ុន្តែ​បើ​ពិនិត្យ​មើល​ម៉ត់ចត់​វា សុទ្ធតែ​ជា​ទូរស័ព្ទ​នៅ​ស្អាត មាន​លក្ខណៈ​ស្ទើរ​ដូច​ថ្មី ព្រោះ​ត្រូវ​បាន​ជួសជុល​ស្រប់តាម​ស្តង់ដារ​ក្រុមហ៊ុន។ យ៉ាងណា វា​អាច​មាន​ស្នាម​តិចតួច ឬ​ខ្លះ​មាន​ស្នាម​ឆ្កូត​តិច​បំផុត និង​ខ្លះ​ស្ទើរ​មើល​ពុំ​ឃើញ។ កាន់តែ​មាន​ទំនុក​ចិត្ត​នោះ គឺ​ថា រាល់​ការ​ទិញ iPhone 6 Plus ជួសជុល​ឡើង​វិញ​នេះ នឹង​មាន​ការ​ធានា​រយៈពេល​ពេញ​មួយ​ខែ ទុក​ដូច​ជា​ការ​ធ្វើតេស្ត ហើយ​ប្រសិន​មាន​បញ្ហា​នោះ eBay នឹង​ផ្ដល់​ជូន​ប្រាក់​ថ្លៃ​ទិញ​ទូរស័ព្ទ​វិញ​ទាំង​ស្រុង​តែម្ដង។ សម្រាប់​ព័ត៌មាន​លំអិត អ្នក​អាច​ចូល​ឆែក​មើល​នៅ​លើ​គេហទំព័រ eBay តាម​តំណភ្ជាប់ Link នេះ​បាន៕ ប្រែ​សម្រួល៖ រឹទ្ធិរាជ ប្រភព៖ phonearena