iPhone SE ស៊េរី​ថ្មី​ឆ្នាំ​នេះ នឹង​ផ្លាស់ប្ដូរ​រូបរាងឌីហ្សាញ​ក្រាល​ដោយ​​កញ្ចក់​នៅ​ខ្នង​ទូរស័ព្ទ កាមេរ៉ា​និង​ភ្លើង​ Flash មាន​ទម្រង់​បញ្ឈរ​​



យើង​បាន​ឮ​ដំណឹង​ជុំវិញ​ទូរស័ព្ទ iPhone ជំនាន់​ថ្មី​គឺ iPhone 8 ​មិន​តិច​នោះ​ទេ ហើយ​ពេល​នេះ យើង​បាន​ដំណឹង​លំអិត​ខ្លះ​អំពី​ iPhone SE ​ជំនាន់​ថ្មី​វិញ​ម្ដង។ រូប​មួយ​សន្លឹក​ត្រូវ​បាន​ចែកចាយ​បន្ត​នៅ​លើ​បណ្ដាញ​អ៊ីនធឺណិត ដែល​គេ​អះអាង​ថា ជា iPhone SE ស៊េរី​ថ្មី​ឆ្នាំ២០១៧ ​អម​ជាមួយ​រូបរាង​ឌីហ្សាញ​ថ្មី ដោយ​មាន​ខ្នង​ទូរស័ព្ទ​ក្រាល​ដោយ​កញ្ចក់។

​ដូច​ដែល​អ្នក​បាន​ឃើញ​ក្នុង​រូបថត​ខាង​លើ គេ​សង្កេត​ឃើញ​កាមេរ៉ា និង​ភ្លើង​ជំនួយ flash ​គឺ​ត្រូវ​បាន​តម្រៀប​បញ្ឈរ​លើ​ក្រោម មិន​ដូច​ម៉ូដែល iPhone SE ​បច្ចុប្បន្ន​ដែល​តម្រៀប​តាម​ជួរ​ដេក ឆ្វេង​ស្ដាំ​នោះ​ទេ។ រូបថត​ថែមទាំង​បាន​បញ្ជាក់​នូវ​ប្រភេទ​កញ្ចក់​ដែល​ក្រាល​នៅ​ខ្នង​ទូរស័ព្ទ​គឺ Ion-X Glass ​ជា​កញ្ចក់​ដែល Apple ប្រើ​ក្នុង​ការ​ផលិត​នាឡិកា Apple Watch។ ដូច្នេះ​វា​អាច​ត្រូវ​បាន​ក្រាល​នៅ​ផ្នែក​ខាង​ក្រោយ ឬ​ទាំង​ផ្ទៃ​មុខ​ទូរស័ព្ទ​ផង​ដែរ។ ​បើ​តាម​ចចាមអារ៉ាម​កន្លង​ទៅ​ថា យើង​នឹង​មិន​បាន​ឃើញ iPhone SE ស៊េរី​ថ្មី​ទេ គឺ​រង់ចាំ​រហូត​ដល់​ចុង​ឆ្នាំ២០១៧ ទើប Apple ផលិត​ម៉ូដែល​ថ្មី ហើយ​ក៏​អាច​ត្រូវ​ក្រុមហ៊ុន​ប្រកាស​រួម​គ្នា​នឹង iPhone 8 នៅ​អំឡុង​ខែ​កញ្ញា ឬ​អាច​ប្រកាស​តាម​ក្រោយ៕ ​ប្រែ​សម្រួល៖ រឹទ្ធិរាជ ប្រភព៖ Slashleaks
X
5s