ក្រុមហ៊ុន Hoox បានផលិតចេញអំពូលឆ្លាតវៃ ឱ្យឈ្មោះថា UP ដែលជាអ្នកឯកទេស ជួយសម្រួលដល់អ្នកដែលពិបាកគេងលក់ និងអ្នកគេងទ្រមក់មិនងាយក្រោក ឱ្យមានក្រឹត្យក្រមល្អឡើងវិញ ដើម្បីកែខៃទម្លាក់អាក្រក់ដែលអាចប៉ះពាល់ដល់សុខភាពបាន។ UP នឹងរួមចំណែកជួយឱ្យការរស់នៅរបស់អ្នក ប្រកបដោយសុខភាពល្អឡើងវិញ ដោយការកំណត់ឱ្យបានត្រឹមត្រូវនូវវដ្ដក្នុងការគេង និងភ្ញាក់ ដោយវាអាច បញ្ចេញពណ៌ ១៦លានពណ៌ច្របាច់បញ្ចូលគ្នា អមជាមួយមុខងារបំពងសំឡេង (speaker) ដែលគាំទ្រមុខងារ Alexa personal assistant របស់ Amazon។
ចង់ជ្រាបច្បាស់អំពីលក្ខណសម្បត្តិនៅលើ UP អ្នកឯកទេសជួយកំណត់ការគេង និងភ្ញាក់ពីដំណេកនោះ សូមទស្សនាវីដេអូខាងក្រោម៖
អំពូល UP រាងសីឡាំងបញ្ឈរ បច្ចុប្បន្នមានដាក់ឱ្យបញ្ជាទិញនៅលើគេហទំព័រ Kickstarter ហើយជាមួយតម្លៃចាប់ពី ៦៩ដុល្លារអាមេរិក ដែលនឹងមានលក់លើទីផ្សារចាប់ពីខែកក្កដា ឆ្នាំ២០១៧ ខាងមុខ។ បច្ចេកវិទ្យាចម្បងនៅពីក្រោយអំពូលភ្លើង UP គឺពិតជាអំពូល ដែលសំខាន់យ៉ាងខ្លាំងក្នុងការបំពេញមុខងារ ដល់វដ្ដនៃការ គេង-ភ្ញាក់ពីដំណេករបស់លោកអ្នក។
តាមធម្មតា រាងកាយរបស់យើង ភ្ញាក់ឡើងនៅពេល ព្រះអាទិត្យរះ ឬយើងហៅថា នៅពេលថ្ងៃ ពីព្រោះ ពន្លឺថ្ងៃជួយបង្កើន cortisol អ័រម៉ូនស្រ្តេសចម្បងមាននៅរាងកាយមនុស្ស ទៅក្នុងកម្រិតមួយ ដែលខួរក្បាល ប្រាប់ទៅរាងកាយ ឱ្យចាប់យក ហើយត្រូវបានសំយោគចេញពេញមួយថ្ងៃ។ ទោះជាយ៉ាងណា យើងមិនចង់ឱ្យ កម្រិតអ័រម៉ូន cortisol ឡើងខ្ពស់គ្រប់ពេលនោះទេ ពិសេសនៅពេល សម្រាកតែម្ដង។ ផលិតកម្ម Cortisol គួរតែបន្ថយ ឬធ្វើឱ្យកាន់តែទាប កាន់តែល្អនៅពេលល្ងាចឡើង។
នៅពេលណា cortisol ថយចុះ នោះកម្រិតអ័រម៉ូនមុខងារជួយឱ្យគេងលក់ ក្លាយជាមានកម្រិតខ្ពស់ ដាក់កម្រិតទៅលើវដ្ដនៃការគេង / ភ្ញាក់ (sleep / wake cycle) (ហៅថា ដំណើរ melatonin)។ ទោះជាយ៉ាងណា ពន្លឺចេញពីអំពូលភ្លើងក្នុងបន្ទប់ និងអេក្រង់ទូរស័ព្ទ ឬឧបករណ៍ឆ្លាតវៃ នឹងសង្កត់លើការផលិត melatonin។ ហើយកម្សោយ melatonin នឹងធ្វើឲ្យកើនឡើងនូវកម្រិតអ័រម៉ូនស្រ្តេស cortisol ដែលនឹងទៅប៉ះពាល់ដល់ការគេង ពោលគឺជំងឺគេងមិនលក់ ឬការគេងមិនទៀងទាត់ជាប្រចាំ នាំឱ្យប៉ះពាល់ដល់សុខភាព។
ដោយសារគិតដល់ចំណុចអស់ទាំងនេះ ទើបក្រុមការងារ UP បានបង្កើតអំពូលភ្លើងនេះឡើង ដែលអាចជួយក្លែងធ្វើដូចព្រះអាទិត្យសិប្បនិមិត្តរះឡើងនៅពេលព្រឹក ដើម្បីជំរុញរាយកាយឱ្យបង្ខំភ្ញាក់ ទោះបីអ្នកគេងនៅក្នុងបន្ទប់ងងឹត បិទទ្វាជិតក៏ដោយ និងបំបិទពន្លឺចេញពីគ្រែគេងរបស់អ្នក ជាមួយរលក wavelengths ត្រឹមត្រូវដើម្បីរៀបចំការគេងរបស់អ្នកឱ្យបានល្អ៕
ប្រែសម្រួល៖ រឹទ្ធិរាជ
ប្រភព៖ Kickstarter
