ថ្មីៗនេះ Microsoft បានធ្វើសេចក្ដីរាយការណ៍ខ្លះពាក់ព័ន្ធនឹងសមិទ្ធផលរបស់ក្រុមហ៊ុនកន្លងមក នៅក្នុងសន្និសីទ BUILD។ ក្រុមហ៊ុនបានអះអាងថា បច្ចុប្បន្នមានម៉ាស៊ីនប្រមាណដល់ ៥០០លានគ្រឿង កំពុងប្រើប្រាស់ប្រព័ន្ធប្រតិបត្តិការ Windows 10 ដែលជា OS ជំនាន់ចុងក្រោយ។
នេះគឺជាការបញ្ជាប់លើកដំបូងពី Microsoft ផ្ទាល់អំពីចំនួនប្រើប្រាស់ប្រព័ន្ធប្រតិបត្តិការ Windows ជំនាន់ចុងក្រោយរបស់ខ្លួន។ ងាកទៅមើលការប្រកាសនូវតួលេខប្រើប្រាស់ Windows 10 កន្លងទៅនៅឆ្នាំ២០១៦ ក្រុមហ៊ុនបានឱ្យដឹងថា មានជាង ៤០០លានម៉ាស៊ីនបានប្រើប្រាស់ប្រចាំថ្ងៃ តែមកដល់ពេលនេះ តួលេខបានកើនដល់ ៥០០លានគ្រឿង។
នេះអាចជារឿងមិនគួរឱ្យភ្ញាក់ផ្អើលនោះឡើយ ព្រោះ Microsoft តែងតែជាក្រុមហ៊ុនក្ដាប់ចំណែកទីផ្សារប្រព័ន្ធកុំព្យូទ័រធំជាងគេលើលោក ដដែល។ Microsoft បានដាក់គោលដៅពង្រីកការប្រើប្រាស់ប្រព័ន្ធសូហ្វ៊ែររបស់ខ្លួននេះ ឱ្យកើនឡើងដល់ ១ពាន់លានម៉ាស៊ីន នៅឆ្នាំ២០១៨ ក្រោយនេះ។ មហិច្ឆតាដ៏ធំបែបនេះ Microsoft ប្រហែលត្រូវតែរៀបចំយុទ្ធសាស្ត្រកាន់តែល្អហើយទើបបាន ព្រោះខណៈពេលនេះ ក្រុមហ៊ុនមានត្រឹម ៥០០លានម៉ាស៊ីនប៉ុណ្ណោះ។
ប្រែសម្រួល៖ រឹទ្ធិរាជ
ប្រភព៖ Ubergizmo
