អ្នក​ប្រើប្រាស់​ iPhone 7 ​ប្រហែល​កំពុង​ស្វែងរក​ស្រោម (case) មាន​រាង​ស្លីម ស្ដើង និង​ស្អាតៗ និង​មាន​ថ្ម​ (battery) បង្កប់ ដើម្បី​ជួយ​បង្កើន​អាយុកាល​ប្រើ​ទូរស័ព្​បាន​រឹតតែ​យូរ ទ្វេ​ដង ដោយ​មិន​ចាំបាច់​ប្រើ​ថ្ម​ជំនួយ (Power Bank) ឬ​ប្រើ​ស្រោម Battery Case ក្រាស់ៗ​ដូច​មុន​នោះ​ទេ។ ដូច្នេះ Omni Case នឹង​ជា​ជម្រើស​ល្អ​បំផុត​សម្រាប់​អ្នក ព្រោះ​វា​ជា​ស្រោម​បង្កប់​ថ្ម (Battery Case) សម្រាប់ iPhone 7 ដែល​មាន​កម្រាស់​ស្ដើង​បំផុត​លើ​លោក ទើបតែ​បាន​ដាក់​លក់​នៅ​លើ​គេហទំព័រ Kickstarter។

ស្រោម Omni Case នឹង​មាន​លក់​នៅ​ទីផ្សារ​សកល តម្លៃ​ចាប់ពី ៣៩ដុល្លារ​អាមេរិក រំពឹង​នឹង​មាន​លក់​ចាប់ពី​អំឡុង​ខែ​សីហា ឆ្នាំ២០១៧ ខាង​មុខ។ ស្រោម Battery Case ​នេះ អាច​ដំណើរការ​មុខងារ​ជាមួយ​រន្ធ lightning port socket ដែល​អាច​ឱ្យ​អ្នក​ធ្វើ​អ្វី​ដែល​អ្នក​គួរ ដូច​ជា បញ្ជូន​ទិន្នន័យ, ស្ដាប់​តន្ត្រី សាកថ្ម​ទូរស័ព្ទ និង​សាកថ្ម​ចូល​ទៅ​ស្រោម​ទូរស័ព្ទ ហើយ​ក៏​គាំទ្រ​មុខងារ​សាកថ្ម​ឥត​ខ្សែ​ផង​ដែរ។

ស្រោម​ទំនើប Omni Case នេះ​មាន​កម្លាំង​ថ្ម 2800mAh ​ដែល​អាច​បន្ថែម​អាយុកាល iPhone 7 គុណ​នឹង​ពីរ៕ ​ប្រែ​សម្រួល៖ រឹទ្ធិរាជ ប្រភព៖ Kickstarter