រឿងដែលអ្នកអាចនឹងសោកស្ដាយក្នុងវ័យ៣០ឆ្នាំ!!!
អាយុ៣០ឆ្នាំហើយ អ្នកចំណាយពេល១០ឆ្នាំអស់៣ដងហើយ ហើយ១០ឆ្នាំក៏មានមិនច្រើនទៀតដែរសម្រាប់អ្នក។ តែអ្នកវិញបានធ្វើឲ្យខ្លួនសប្បាយអ្វីខ្លះហើយ? ខាងក្រោមនេះជារឿងដែលនាំឲ្យអ្នកសោកស្ដាយក្នុងវ័យ៣០ឆ្នាំរបស់អ្នក៖
១) មិនបានចំណាយពេលនៅជាមួយឪពុកម្ដាយ
រឿងសោកស្ដាយជាងគេនោះគឺពេលដល់អាយុ៣០ឆ្នាំហើយ អ្នកមិនបានចំណាយពេលនៅជាមួយអ្នកមានគុណ។ អ្នកមិនដឹងឡើយថា តើនៅសល់ពេលប៉ុន្មានទៀតដែលអ្នកអាច ចំណាយជាមួយពួកគាត់នោះទេ។ ហេតុនេះយល់ល្អអ្នកគួររួមរស់ជាមួយគាត់តែម្ដងទៅ ដើម្បីបានជជែកគ្នាលេង នាំគាត់ដើរកម្សាន្តមិនថាទីកន្លែងណា ហើយផ្ដល់អ្វីដែលពួកគាត់ពេញចិត្តទើបល្អ។
២) យកការងារជាធំ
អ្វីដែលអ្នកគួរដឹងនោះគឺ បើអាយុ៣០ឆ្នាំហើយ តែអ្នកតែងយកការងារដាក់មុខជាធំ នោះគឺជារឿងសោកស្ដាយមួយដ៏ធំហើយ។ អ្នកគួរចំណាយពេលជាមួយមនុស្សជាទីស្រឡាញ់វិញ ព្រោះអីពួកគេគឺសំខាន់ជាងលុយទៅទៀត។
៣) ចំណាយពេលលើរឿងអវិជ្ជមាន
បើគិតតែរឿងអវិជ្ជមាន អ្នកនឹងជួបតែមនុស្សអវិជ្ជមានរហូតក្នុងមួយជីវិត។ ហេតុនេះបើសិនជាអាចអ្នកគួរដកខ្លួនចេញពីពួកគេទៅ ដើម្បីនាំខ្លួនឯងរស់នៅឲ្យបានសុខខ្លះ។
៤) មិនគិតពីខ្លួនឯង
ពេលខ្លះ អ្នកក៏ត្រូវតែចេះស្រឡាញ់ខ្លួនឯងដែរ ព្រោះពេលដែលអ្នកស្រឡាញ់អ្នកដទៃខ្លាំងពេក ពួកគេនឹងមិនអាចជួយអ្នកបានឡើយនៅថ្ងៃចុងក្រោយ។ ដូចនេះមានតែអ្នកប៉ុណ្ណោះដែលអាចពឹងខ្លួនឯងបាន។ ចូរស្រឡាញ់ខ្លួនឯងឲ្យច្រើនៗ។
៥) គិតពីអារម្មណ៍អ្នកដទៃ ច្រើនពេក
កុំព្យាយាមចំណាយពេលច្រើនពេកលើអ្វីដែលមិនមានប្រយោជន៍សម្រាប់អ្នក។ រឿងអ្នកដទៃ គឺជារឿងដោយឡែកពីអ្នក។ កុំចំណាយពេលនិងកម្លាំងខ្លួន ខ្វាយខ្វល់នឹងការគិតរបស់អ្នកដទៃអី៕
ប្រែសម្រួល៖ ព្រំ សុវណ្ណកណ្ណិកា
ប្រភព ៖ businessinsider
