ត​កម្រិត 4K ​គឺ​មាន​លក់​ចាប់ពី​ថ្ងៃ​នេះ​តទៅ​ហើយ នៅ​លើ​ទីផ្សារ​អាមេរិក។ ក្រុមហ៊ុន​អេឡិចត្រូនិក​កូរ៉េ​ខាង​ត្បូង នៅ​សប្ដាហ៍​នេះ បាន​ប្រកាស នឹង​ដាក់​លក់​កាមេរ៉ា ៣៦០ដឺក្រេ​របស់​ខ្លួន ចាប់ពី​ពេល​នេះ ក្នុង​តម្លៃ ២២៩ដុល្លារ​អាមេរិក។

ខណៈ​តម្លៃ​ដើម​នៅ​ពេល​ក្រុមហ៊ុន​សម្ពោធ​កាមេរ៉ា Gear 360 ជំនាន់​ទី២ នេះ​លើក​ដំបូង បាន​បញ្ជាក់​តម្លៃ​របស់​វា ដល់​ទៅ ៣៤៩ដុល្លារ​ឯណោះ ដូច្នេះ​តម្លៃ​ដែល ក្រុមហ៊ុន​ទើប​បញ្ចេញ​លក់​លើ​ទីផ្សារ​អាមេរិក​ខាង​លើ ជា​តម្លៃ​ពិសេស​មួយ។ កាន់តែ​ពិសេស​ទៀត​នោះ ប្រសិន​បើ​អតិថិជន​ទិញ Galaxy S8 ឬ S8 Plus ​នៅ​ចន្លោះ​ពេល​ថ្ងៃ​ទី២៥ ខែ​ឧសភា​នេះ ទៅ ថ្ងៃ​ទី១៩ ខែ​មិថុនា គឺ​នឹង​ទទួល​បាន​តម្លៃ Gear 360 យ៉ាង​ពិសេស​ត្រឹមតែ ៤៩ដុល្លារ​ប៉ុណ្ណោះ។

កាមេរ៉ា Gear 360 ថ្មី​នេះ ត្រូវ​បាន​កែលំអ​ពី Gear 360 ជំនាន់​មុន និង​មាន​សមត្ថភាព​ខ្ពស់​ក្នុង​ការ​ថត​វីដេអូ​ជាង​មុន រហូត​ដល់​កម្រិត 4K។ ក្រុមហ៊ុន Samsung ​បាន​បញ្ជាក់​ថា Gear 360 ​អាច​ផលិត​វីដេអូ​កម្រិត 4K (4096x2160)px នៅ 24-frames ក្នុង ១វិនាទី ជាមួយ​ទំហំ​កាមេរ៉ា 15MP ​ថត​ក្នុង​មុំ ៣៦០ដឺក្រេ។ វា​ក៏​បាន​បំពាក់​កាមេរ៉ា 8.4MP ប្រភេទ CMOS sensors ចំនួន២ ផង​ដែរ និង​មាន dual f/2.2 fisheye lenses ​បន្ថែម​ទៀត ភ្ជាប់​ជាមួយ​កម្លាំង​ថ្ម 1160mAh ​ដែល​អាច​ប្រើ​ក្នុង​ការ​ថត​វីដេអូ​រយៈពេល ១២០នាទី កម្រិត (2560x1280)px និង​ប្រើប្រាស់​មុខងារ Wi-Fi។

កាមេរ៉ា Gear 360 ជំនាន់​ថ្មី​នេះ អាច​ប្រើ​ជាមួយ​កាត microSD បាន មាន​ប្រព័ន្ធ​តំណភ្ជាប់ dual-band 802.11 a/b/g/n/ac Wi-Fi, Bluetooth 4.1 និង USB 2.0 (Type-C)។ កាមេរ៉ា ក៏​មាន​មុខងារ​ធន់​នឹង​ការ​ចូល​ធូលី​ដី​ផង​ដែរ៕ ​ប្រែ​សម្រួល៖ រឹទ្ធិរាជ ប្រភព៖ techspot