ក្រុមហ៊ុន Google កំពុងបន្តដាក់ចេញប្រព័ន្ធបង់ប្រាក់តាមទូរស័ព្ទចល័ត គឺ Android Pay របស់ខ្លួន ហើយថ្មីៗនេះ ក្រុមហ៊ុនទើបចេញ mobile payment នេះ ឱ្យប្រើបាននៅលើទីផ្សារតៃវ៉ាន់ថែមទៀត។
មុខងារ Android Pay នឹងអាចប្រើប្រាស់បាននៅតាមបណ្ដាហាងលក់ទំនិញ កាន់តែច្រើនឡើងនៅលើទីផ្សារតៃវ៉ាន់ ហើយនឹងគាំទ្រដោយបណ្ដាធនាគារមួយចំនួន រួមមាន៖ CTBC និង First Bank ក៏ដូចជានឹងមានធនាគារជាច្រើនទៀត នឹងត្រូវបន្ថែមជាបន្តបន្ទាប់ ក្នុងពេលឆាប់ៗខាងមុខ។
Android Pay នឹងជួយអ្នកក្នុងការទូទាត់ថ្លៃចំណាយផ្សេងៗនៅតាមផ្សារ បានឆាប់រហ័ស និងមានសុវត្ថិភាពខ្ពស់ ដោយគ្រាន់តែប្រើប្រាស់ស្មាតហ្វូន Android ហើយក៏អាចជួយអ្នក ក្នុងការសន្សំពិន្ទុនៃការជាវទំនិញពីបណ្ដាហាង ជាមួយកាតរបស់អ្នកផងដែរ។
អ្នកនឹងអាចប្រើប្រាស់ប្រព័ន្ធបង់ប្រាក់ Android Pay គ្រប់ទីកន្លែងដែលគាំទ្រសេវាកម្មរបស់ Google នេះ រួមទាំង បណ្ដាហាងដែលពេញនិយម ដូចជា PX Mart, Carrefour, Watsons និងជាច្រើនទៀត។ ការប្រើប្រាស់គឺមានលក្ខណៈងាយស្រួល ដោយគ្រាន់តែដោះសោទូរស័ព្ទ (unlock) ហើយដាក់ទូរស័ព្ទនៅពីមុខម៉ាស៊ីនបង់ប្រាក់ payment terminal រហូតដល់អ្នកឃើញមានការឆែក “check”។ វាគឺពិតជាមានលក្ខណៈងាយស្រួលប្រើណាស់។ ហើយបណ្ដាហាង ក៏នឹងអាចសម្រាលបន្ទុកការងារបានច្រើនពីប្រព័ន្ធបង់ប្រាក់រហ័សនេះផងដែរ គឺគ្រាន់តែចាំត្រួតពិនិត្យ ទុកឱ្យម៉ាស៊ីនជាអ្នកប្រតិបត្តិការងារជាការស្រេច៕
ប្រែសម្រួល៖ រឹទ្ធិរាជ
ប្រភព៖ Google
