ក្នុង​សន្និសីទ​ជួបជុំ​អ្នក​អភិវឌ្ឍ​កម្មវិធី​ប្រចាំ​ឆ្នាំ WWDC 2017 ​ឆ្នាំ​នេះ ក្រុមហ៊ុន Apple បាន​ប្រកាស​ចេញ​ប្រព័ន្ធ​ប្រតិបត្តិការ​ទូរស័ព្ទ​ជំនាន់​ថ្មី​របស់​ខ្លួន​ជា​បន្ត ដែល​ជា iOS 11។ ប្រព័ន្ធ​សូហ្វ៊ែរ​ថ្មី​នេះ នឹង​ត្រូវ​ដាក់​ឱ្យ​ប្រើប្រាស់​នៅ​លើ iPhone និង iPad ​ក្នុង​ត្រីមាស​ទី៤ ខាង​មុខ។ https://www.apple.com/newsroom/videos/ios-iphone-apple-pay-keynote/iOS11_iPhone-cc-us-_Apple_Pay_Keynote_1280x720h.mp4 ​ក្រុមហ៊ុន Apple ​បាន​បង្ហាញ​នូវ​លក្ខណៈ​ពិសេសៗ​ដែល​ត្រូវ​បាន​ធ្វើ​បច្ចុប្បន្នភាព​ពី​លើ iOS ជំនាន់​មុន ធ្វើ​ឱ្យ iOS 11 ​រឹតតែ​ទំនើប ជំរុញ​ឱ្យ iPhone និង iPad របស់​អ្នក​រឹតតែ​ក្លាយ​ជា​របស់​មាន​តម្លៃ។ iOS 11 ​បង្ហាញ​វត្តមាន​ជាមួយ​មុខងារ​ថ្មីៗ​មួយ​ចំនួន ហើយ​ថែមទាំង​អាច​ប្រើ សម្រាប់​ផ្ញើ​លុយ (send money) ទៅ​កាន់​មិត្តភ័ក្ដិ​របស់​អ្នក ជាមួយ​មុខងារ Apple Pay, កម្មវិធី Files ​ថ្មី និង​ជាច្រើន​ទៀត។ https://youtu.be/7jLrAFrjMP0 ​iOS 11 ​មាន​នូវ​មុខងារ multitasking ផ្ដល់​ភាព​ងាយស្រួល​ក្នុង​ការ​ប្រើប្រាស់​នៅ​លើ iPad ​ឱ្យ​កាន់តែ​មាន​សក្ដានុពល​ថែមទៀត​ជាមួយ Dock ដែល​អាច​កំណត់ ក្នុង​ការ​ភ្ជាប់​ទៅ​កាន់​កម្មវិធី​បាន​រហ័ស និង​ឯកសារ​ផ្សេងៗ​ពី​លើ​អេក្រង់ ហើយ​មាន​នូវ​កម្មវិធី Switcher ​ឌីហ្សាញ​ឡើង​វិញ ដើម្បី​ងាយស្រួល ប្ដូរ​នៃ​ការ​ភ្ជាប់​កម្មវិធី​ដែល​កំពុង​ដំណើរការ ប្រើ​ទម្រង់​បំបែក Split View និង Slide Over។ រីឯ​កម្មវិធី Files ​ថ្មី ជួយ​រក្សា​ទុក​រាល់​ទិន្នន័យ​ទាំងឡាយ​នៅ​តែ​មួយ​កន្លែង មិន​ថា ឯកសារ​ត្រូវ​បាន​រក្សា​ទុក​នៅ​ក្នុង​ទូរស័ព្ទ ឬ​នៅ​លើ iCloud Drive ឬ​ឆ្លង​សេវាកម្ម Cloud ដទៃ មិន​ថា Box, Dropbox និង​ជាច្រើន​ទៀត​នោះ​ទេ ហើយ​ដោយ​គ្រាន់តែ​ចាប់​អូស​ទម្លាក់ (Drag and Drop) គឺ​អាច​ភ្ជាប់​ទៅ​ប្រព័ន្ធ​បាន និង​ការ​ប្ដូរ​ទីតាំង​ទិន្នន័យ image និង text ​គឺ​មាន​ភាព​ងាយស្រួល​ជាង​មុន។ https://youtu.be/-KLAxs5fV3E សូហ្វ៊ែរ​ថ្មី ថែមទាំង​ជួយ​ឱ្យ​ប៊ិច Apple Pencil បំពេញ​មុខងារ​បាន​យ៉ាង​ល្អ នៅ​លើ iPad មាន​លក្ខណៈ​ងាយស្រួល​ប្រើ​មុខងារ​ថ្មី​ Instant Notes ​គឺ​បើក​កម្មវិធី Notes ពី​ផ្ទៃ​អេក្រង់​ដែល​ជាប់​សោ មាន​លក្ខណៈ​សាមញ្ញ​គឺ​គ្រាន់តែ​ចុច tap លើ Apple Pencil ​នៅ​លើ​អេក្រង់​ជា​ការ​ស្រេច។ Apple ​មិន​បាន​បញ្ជាក់​ពី​កាលបរិច្ឆេទ​ដែល iOS 11 ​នឹង​ត្រូវ​ដាក់​ចេញ​ឱ្យ​ដំឡើង​ប្រើ​នៅ​លើ iPhone / iPad នៅ​ឡើយ ប៉ុន្តែ​គេ​រំពឹង​ថា ក្រុមហ៊ុន​នឹង​ដាក់​ចេញ​ឱ្យ​ប្រើប្រាស់​ផ្លូវការ​ក្នុង​ខែ​កញ្ញា​ខាង​មុខ ដំណាលគ្នា​នឹង​វត្តមាន iPhone 8៕ ​ប្រែ​សម្រួល៖ រឹទ្ធិរាជ ប្រភព៖ Apple