តើ​មាន​អ្វី​ខុស​គ្នា​ខ្លះ​រវាង iPad Pro ១០,៥អ៊ីញ និង iPad Pro ៩,៧អ៊ីញ ក្រៅពី​​ទំហំ​អេក្រង់​?​



ថេប្លេត iPad Pro ​អេក្រង់ ១០,៥អ៊ីញ​ទើប​ត្រូវ​បាន​ប្រកាស​ចេញ​នៅ​ក្នុង​ព្រឹត្តិការណ៍ WWDC 2017 របស់ Apple ​ថ្មីៗ​នេះ។ វត្តមាន​ថេប្លេត​ថ្មី​នេះ គឺ​មក​ជំនួស iPad Pro ចាស់​អេក្រង់ ៩,៧អ៊ីញ ដែល​វា​មាន ២ទំហំ​ផ្សេង​គ្នា គឺ iPad Pro ​អេក្រង់ ១០,៥អ៊ីញ និង​អេក្រង់ ១២,៩អ៊ីញ។ ចុះ​តើ​មាន​អ្វី​ខុស​គ្នា​ខ្លះ រវាង iPad Pro អេក្រង់ ១០,៥អ៊ីញ​ថ្មី និង iPad Pro អេក្រង់ ៩,៧អ៊ីញ​ស៊េរី​មុន? https://youtu.be/UR5ODc5Wbbo ថេប្លេត iPad Pro ស៊េរី​ថ្មី​ដែល​ទើប​ប្រកាស​នេះ មាន​ទំហំ ១០,៥អ៊ីញ​ជាមួយ​កម្រិត​ភិចហ្សែល (2224 x 1668)pixel ​ខណៈ iPad Pro ​ស៊េរី​មុន មាន​ទំហំ ៩,៧អ៊ីញ​ជាមួយ​កម្រិត​ភិចហ្សែល​ទាប​ជាង គឺ (2048 x 1536)pixel។ ក្រុមហ៊ុន Apple ​បាន​ណែនាំ​ចេញ​អង្គ​ប្រតិបត្តិ​ជំនាន់​ថ្មី ដែល​បាន​បំពាក់​នៅ​លើ​ថេប្លេត​អេក្រង់ ១០,៥អ៊ីញ គឺ Apple A10X ​ខណៈ iPad Pro ​ទំហំ ៩,៧អ៊ីញ ប្រើ​ឈីប Apple A9X។ ម៉ូដែល iPad Pro ​អេក្រង់ ៩,៧អ៊ីញ មាន RAM ទំហំ 2GB ប៉ុន្តែ Apple មិនបាន​បញ្ជាក់​អំពី​ទំហំ RAM មាន​នៅ​លើ iPad Pro ទំហំ ១០,៥អ៊ីញ​នោះ​ទេ តែ​គេ​ជឿ​ថា យ៉ាង​ហោច​ណាស់​ក៏​មាន​ទំហំ 2GB ​ឬ​អាច​ធំ​ជាង​នេះ​ក៏​ថា​បាន។ ថេប្លេត ១០,៥អ៊ីញ​ថ្មី​របស់ Apple នេះ គឺ​មាន​វិមាត្រ​ធំ​ជាង​មុន​គឺ ៩,៨អ៊ីញ x ៦,៨អ៊ីញ x ​០,២៤អ៊ីញ (កម្រាស់) ​និង​មាន​ទម្ងន់ ៤៦៩ក្រាម។ ចំណែក​ម៉ូដែល ៩,៧អ៊ីញ មាន​វិមាត្រ ៩,៤៥អ៊ីញ x ​៦,៦៧អ៊ីញ x ០,២៤អ៊ីញ ​និង​មាន​ទម្ងន់ ៤៣៧ក្រាម។ ​ក្រុមហ៊ុន Apple ​ថែមទាំង​បាន​បន្ថែម​សមត្ថភាព​កាមេរ៉ា​នៅ​លើ​ថេប្លេត ១០,៥អ៊ីញ​ផង​ដែរ គឺ​មាន​កាមេរ៉ា​មុខ 7MP និង​កាមេរ៉ា​ក្រោយ​ទំហំ 12MP ចំណែក iPad Pro ​៩,៧អ៊ីញ មាន​កាមេរ៉ា​មុខ​ត្រឹម 5MP ហើយ​កាមេរ៉ា​ក្រោយ​ទំហំ 12MP។ ខាង​ក្រោម​នេះ​ជា​លក្ខណៈ​សម្បត្តិ​សំខាន់ៗ​មាន​នៅ​លើ​ថេប្លេត​ទាំង​ពីរ​ស៊េរី៖

iPad Pro ១០,៥អ៊ីញ​ថ្មី​របស់ Apple ​ឥឡូវ​នេះ​មាន​លក់​លើ​ទីផ្សារ​ហើយ។ ក្រុមហ៊ុន Apple ថែមទាំង​បាន​ចេញ​លក់ iPad Pro ​អេក្រង់ ១២,៩អ៊ីញ​ផង​ដែរ។ iPad Pro អេក្រង់ ១០,៥អ៊ីញ​នឹង​មាន​តម្លៃ ៦៤៩ដុល្លារ​ជាមួយ​ទំហំ 64GB ​ដែល​ជា​ម៉ូដែល Wi-Fi ប៉ុណ្ណោះ ហើយ​តម្លៃ ៧៧៩ដុល្លារ សម្រាប់​ទំហំ 64GB និង​ប្រើប្រាស់​ស៊ីម​បាន (cellular)។ ចំណែក iPad Pro អេក្រង់ ១២,៩អ៊ីញ​វិញ នឹង​មាន​តម្លៃ​ចាប់ពី ៧៩៩ដុល្លារ មាន​ទំហំ 64GB ​និង​មាន​តែ Wi-Fi ហើយ​តម្លៃ ៩២៩ដុល្លារ មាន​ទំហំ 64GB ​ប្រើ​ស៊ីម​បាន (cellular)។ iPad Pro ទាំង​ពីរ ក៏​នៅ​មាន​ជម្រើស​មេម៉ូរី​ដល់ 256GB និង 512GB ផង​ដែរ ដែល​មាន​ជម្រើស​ពណ៌​ទឹក​ប្រាក់ ពណ៌​ប្រផេះ ពណ៌​មាស និង​មាស​ក្រហម (rose gold)៕ ​ប្រែ​សម្រួល៖ រឹទ្ធិរាជ ប្រភព៖ Apple
X
5s