របៀប​ថត screen ​លើ​ iPhone ឬ iPad ជា​វីដេអូ ជាមួយ​ប្រព័ន្ធ​សូហ្វ៊ែរ​​ថ្មី iOS 11​



អរគុណ​សម្រាប់​វត្តមាន iOS 11 ​ដែល​ជា​ប្រព័ន្ធ​ប្រតិបត្តិការ​ថ្មី​របស់ Apple។ សូហ្វ៊ែរ​ថ្មី​នឹង​គាំទ្រ​ការ​ថត​ស្គ្រីន (screen recording) មក​ជាមួយ​ស្រាប់ ដោយ​មិន​ចាំបាច់​ដំឡើង​កម្មវិធី​បន្ថែម​អ្វី​នោះ​ឡើយ។ ការ​ថត​ស្គ្រីន​គឺ​មាន​សារប្រយោជន៍​នៅ​ពេល​ខ្លះ ដូច​ជា អ្នក​ចង់​បង្ហាញ​អ្វី​មួយ​ទៅ​កាន់​មិត្តភ័ក្ដិ ឬ​បងប្អូន ដែល​មាន​នៅ​លើ​ iPhone ​ធ្វើ​ជា​វីដេអូ។

​យ៉ាងណា មុខងារ​នេះ​អាច​មាន​ការ​ផ្លាស់ប្ដូរ​ការ​ប្រើ នៅ​ពេល iOS 11 ចេញ​តាំងពី​ជំនាន់​សាកល្បង (beta) រហូត​ដល់ ជំនាន់​ផ្លូវការ (iOS 11) អំឡុង​ចុង​ត្រីមាស​ទី៣ ឬ​ដើម​ត្រីមាស​ទី៤ (ចាប់ពី​ខែ​កញ្ញា) ខាង​មុខ។ នេះ​ជា​អ្វី​ដែល​អ្នក​ត្រូវ​ធ្វើ ដើម្បី​ថត screen៖

១) ចូល​ទៅ Setting → Control Center ហើយ​រំកិល​ចុះក្រោម រក​មើល​ឃ្លា Screen Recording ​និង​បើក​ឱ្យ​ដំណើរការ។ បន្ទាប់​មក មុខងារ Record ​Screen នឹង​បង្ហាញ​ចេញ​នៅ​លើ​ផ្ទាំង Control Center។ ២) ​បើក Control Center ​ឡើង ហើយ​ចុច​លើ​កុងតាក់ Record ដែល​គួរ​តែ​ស្ថិត​នៅ​ខាង​ក្រោម​បំផុត ក្នុង Control Center។ ចាប់ពី​ពេល​នេះ វា​នឹង​ធ្វើការ​ថត record ​អេក្រង់​ទូរស័ព្ទ​របស់​អ្នក។

៣) នៅ​ពេល​ឈប់​ចង់​ថត​ស្គ្រីន គឺ​គ្រាន់តែ​ចុច​លើ​របារ​ពណ៌​ខៀវ ដែល​ស្ថិត​នៅ​ផ្នែក​ខាង​លើ​នៃ​អេក្រង់​ទូរស័ព្ទ និង​ចុច​លើ​ប៊ូតុង Stop ជា​ការ​ស្រេច។ ៤) ការ​ថត​វីដេអូ ​នឹង​ត្រូវ​រក្សា​ទុក​ជា ឯកសារ MP4 ​កម្រិត 45fps ​ជាមួយ​ទំហំ​ resolution ​900 x 1600pixel៕ ដោយ៖ រឹទ្ធិរាជ ប្រភព៖ phonearena
X
5s