Turla ​ជា​មេរោគ​ប្រភេទ trojan ​ទើប​ត្រូវ​រក​ឃើញ​ថ្មីៗ​ចេញ​ពី​តំណភ្ជាប់ នៅ​លើ comment ក្នុង​បណ្ដាញ​សង្គម Twitter ​ដែល​វា​នោះ​ជា malware សុទ្ធសាធ។ មេរោគ​នេះ ត្រូវ​គេ​ឱ្យ​ដឹង​ថា ត្រួវ​បាន​បង្កើត​ឡើង​ដោយ​ក្រុម hacker មួយ​ក្រុម ដើម្បី​វាយប្រហារ​ទៅ​លើ​រដ្ឋាភិបាល កាលពី​កន្លង​ទៅ។

Hacker បាន​ប្រើ​វិធីសាស្ត្រ encoded តំណភ្ជាប់ (link) សម្រាប់​បិទបាំង​វត្តមាន​មេរោគ malware របស់​ខ្លួន មិន​ឱ្យ​គេ​ឃើញ នៅ​ក្នុង​ប្រអប់ comment ​នៃ​រូបថត ​របស់​ទំព័រ Instagram ផ្លូវការ​របស់​តារា​ចម្រៀង​ល្បី​ឈ្មោះ Britney Spears។ ក្រុម​ hacker អាច​វាយលុក ធ្វើ​ឱ្យ​ខូចខាត​ដល់​អ្នក​ចូល​ទស្សនា (visitors) មួយ​ចំនួន​​ដែល​ចូល​ទៅ​កាន់​ទំព័រ​របស់ Britney Spears តាម​កម្មវិធី Firefox ​នៅ​លើ​កុំព្យូទ័រ Desktop ដែល​វា​ងាយ​ឆ្លង ជាង​ការ​បើក​កម្មវិធី Instagram នៅ​លើ​ស្មាតហ្វូន​ទៅទៀត។ ប្រភព​ព័ត៌មាន phonearena ​បាន​ឱ្យ​ដឹង​ថា មេរោគ​ស្ថិត​ក្រោម​ទម្រង់​ជា malicious extension នេះ គឺ​ត្រូវ​បាន​បង្កើត​ដោយ​ប្រើ​វិធីសាស្ត្រ HTML5 Encoding 0.3.7 ដែល​បាន​បញ្ចូល malware ​ដើម្បី​វាយប្រហារ​ដល់​អ្នក​ប្រើ។ ការ​វាយប្រហារ​អាច​ប្រព្រឹត្តិ​ទៅ​ដោយ​ស្ងាត់ៗ​ ព្រោះ​វា​ត្រូវ​បាន hacker ​លាក់​ជិត​ក្នុង​តំណភ្ជាប់ ដែល​មិន​អាច​ចុច​បាន ហើយ​អាច​ដំណើរការ​បាន​ដោយ​មិន​ចាំបាច់​មាន extension។ ​វិធីសាស្ត្រ​ទប់ស្កាត់​ការ​វាយលុក​នៃ​មេរោគ​ថ្មី​នេះ តម្រូវ​ឱ្យ​អ្នក​ប្រើ ត្រូវ​ធ្វើ​បច្ចុប្បន្នភាព​កម្មវិធី Brower ឬ​កម្មវិធី Firefox ​ដើម្បី​មាន​សុវត្ថិភាព​ខ្ពស់ ហើយ​គួរ​អនុវត្ត​តាម​ការ​ណែនាំ​ខាង​ក្រោម៖ -កុំ​ដំឡើង apps/programs/extension ពី​ប្រភព​មិន​ស្គាល់ (unknown authors) -មិន​ត្រូវ​បើក​ឯកសារ ឬ file ​ទាំងឡាយ ដែល​បាន​ផ្ញើ​ទៅ​អ្នក ពី​អ្នក​មិន​ស្គាល់ (unknown sender) -ប្រសិន​វែបសាយ​ណែនាំ​ឱ្យ download អ្នក​មិន​គួរ​ចុច​លើ​តំណភ្ជាប់​ឡើយ។ -ស្វែងយល់ ស្រាវជ្រាវ ហើយ​ស្រាវជ្រាវ​ទៀត ប្រសិន​បើ​អ្នក​មិន​ច្បាស់​ពី​រឿង ឬ​បញ្ហា​អ្វី​មួយ។ ឆែក​មើល​ថា​តើ app/program ​នោះ គួរ​ទុក​ចិត្ត​បាន ឬ​ទេ តើ​មាន​ការ​ដាក់​ពិន្ទុ (rate) ក្នុង​ចំនួន​គួរ​ទុក​ចិត្ត​បាន​ឬ​ទេ៕ ​ប្រែ​សម្រួល៖ រឹទ្ធិរាជ ប្រភព៖ phonearena