ថ្មីៗបើ Yahoo Mail មិនសូវមានប្រជាប្រិយភាពក្នុងការប្រើប្រាស់ ប៉ុន្តែក្រុមហ៊ុននៅតែបន្តខិតខំកែលំអ ផ្ដល់បទពិសោធន៍ថ្មីក្នុងការប្រើប្រាស់ដល់អ្នកប្រើសេវាកម្មខ្លួនអស់ជាច្រើនឆ្នាំមកហើយ។ ថ្ងៃនេះ ក្រុមហ៊ុនបានប្រកាសចេញនូវការកែលំអទម្រង់ Interface នៃសេវាកម្មផ្ញើអ៊ីមែលរបស់ខ្លួន ព្រមទាំងមុខងារថ្មីខ្លះៗ ក៏ដូចជាកែលំអលើល្បឿនប្រើប្រាស់ រួមជាមួយសេវាកម្ម ad-free Mail គឺ Yahoo Mail Pro។
ទម្រង់ Interface របស់ Yahoo Mail ដំណើរការវិញ ជាមួយការកែប្រែទម្រង់ថ្មី មានលក្ខណៈស្អាតធ្វើឱ្យអតិថិជនងាយស្រួលប្រើជាងមុន និងសាមញ្ញជាងមុន។ ប៊ូតុង និងធាតុផ្សេងទៀត ឥឡូវឃើញមានគម្លាតច្រើនពីគ្នា ហើយក៏ងាយស្រួល touch បញ្ជានៅក្នុង inbox។ Yahoo ឱ្យដឹងថា ខ្លួនបានប្រើប្រាស់បច្ចេកវិទ្យាវែបចុងក្រោយ នៅក្នុងការរៀបចំទម្រង់ Interface ក៏ដូចជាបន្ថែមមុខងារថ្មីមួយចំនួននេះ ហើយក៏បន្ថែមតិចនិកប្រើប្រាស់ងាយស្រួល ដល់អ្នកប្រើថែមទៀត ជាក់ស្ដែងវាមានតម្រូវការអ៊ីនធឺណិតតិចជាងទម្រង់មុន មានន័យថា វាអាចដំណើរការបានល្អជាងមុន ទោះបីខ្សោយអ៊ីនធឺណិតក៏ដោយ។
https://youtu.be/YaZY4IzO2mA
ក្រុមហ៊ុន Yahoo ថែមទាំងបានបន្ថែមរូប emojiis ថ្មីមួយចំនួន និងការបើកមើល Photo និង Document ក្នុងទម្រង់បង្ហាញថ្មីផងដែរ។ ទម្រង់បើកមើលថ្មីទាំងនេះ អាចឱ្យអ្នក មើលឯកសារ ឬរូបថត ដែលអ្នកបានផ្ញើចេញ ឬទទួលចូល ពីក្នុងទីតាំងតែមួយ ដែលជាការកំណត់រៀបចំជាលក្ខណៈដើម៕
ប្រែសម្រួល៖ រឹទ្ធិរាជ
ប្រភព៖ techspot
