តិចនិក ប្រើ​មាត់​​និយាយ ជំនួស​ការ​សរសេរ​ SMS នៅ​លើ iPhone /iPad ! (Video)​



​នៅលើ​ប្រព័ន្ធ​ប្រតិបត្តិការ iOS របស់ Apple ត្រូវបាន​បញ្ចូល និង​ធ្វើ​បច្ចុប្បន្នភាព​កាន់តែ​ទំនើប​លើ​មុខងារ​ពិសេស​ម្យ៉ាង សម្រាប់​ផ្ដល់​ភាពងាយស្រួល​ដល់​អ្នក​ប្រើ​អាច​និយាយ ជំនួស​ការសរសេរ​អក្សរ​មិន​ថា​នៅក្នុង SMS, អ៊ីមែល ឬ​កំណត់ចំណាំ​ផ្សេងៗ​បាន​យ៉ាង​លឿន តាមរយៈ​មុខងារ Voice Dictation​។ យ៉ាងណា អ្នក​ប្រើ​មួយចំនួន​បាន​ស្គាល់​នូវ​មុខងារ Dictation នេះ​ពីមុន​រួចមកហើយ ដែល​វា​អាច​ដំណើរការ​នៅលើ​ប្រព័ន្ធ​ប្រតិបត្តិការ​ចាប់ពី iOS 5 ឡើងទៅ លុះ​មកដល់ iOS 10 គឺ​កាន់​តែមាន​សមត្ថភាព​បំពេញ​តួនាទី​បាន​យ៉ាង​ល្អ​លក្ខណៈ real time ពោលគឺ​មុខងារ​អាច​សរសេរ​តាម​អាន​ភ្លាមៗ ខុសប្លែក​ពី iOS ជំនាន់​មុនៗ​ដែល​តម្រូវឱ្យ​ចុច​លើ​ប៊ូ​តុង Done ដើម្បី​បញ្ចប់​ការអាន​នោះឡើយ​។ ​ ​ដើម្បី​បើកមុខ​ងារ Dictation នៅលើ iPhone ដំណើរការ​ដោយ iOS 10 សូម​អនុវត្តតាម​ជំហាន​ខាងក្រោម​៖ https://youtu.be/PHWgjWL-AXc ២) ក្រោយពី​បើក Siri រួច សូម​ជ្រើសរើស​ភាសា​ដែល​លោកអ្នក​ត្រូវ​ការប្រើ ដោយ​ចូលទៅ Language ឧទាហរណ៍​កំណត់​យក English (United State)​។ បញ្ជាក់​៖ មុខងារ Siri ក៏ដូចជា Voice Dictation អាច​ដំណើរការ​លុះត្រាតែ​ទូរស័ព្ទ​របស់​អ្នកភ្ជាប់​ជាមួយ​អ៊ីនធឺណិត (​អ៊ីនធឺណិត​ទូរស័ព្ទ ឬ Wi-Fi)​។ ​ ៣) សាកល្បង​បើកចូលទៅ​កម្មវិធី​ផ្ញើ​សារ SMS ឬ​ផ្ញើ​អ៊ីមែល ឬ​កម្មវិធី​ណា​ដែលមាន​ការប្រើ keyboard សម្រាប់​វាយ​អក្សរ​ក៏បាន​។ ឧទាហរណ៍ អ្នកបើក​ចូល​កម្មវិធី​ផ្ញើ​អ៊ីមែល បន្ទាប់មក​សូម​បើក​ឱ្យចេញ Keyboard ដូច​សព្វដង នោះ​លោក​អ្នកនឹង​ឃើញ​ប៊ូ​តុង​មៃ​ក្រូ​ហ្វូ​ន (microphone) មួយ​នៅ​ចំហៀង​ខាងឆ្វេង ផ្នែក​ខាងក្រោម (​ដូច​រូប​)​។ ​ ៤) ចុច​លើ​ប៊ូ​តុង​មៃ​ក្រូ​ហ្វូ​ន រួច​អាន​ឃ្លា ឬ​ប្រយោគ​ដែល​អ្នក​ចង់​ផ្ញើ​ទៅកាន់​មិត្ត​របស់​អ្នក មុខងារ Voice Dictation នឹង​សរសេរ​តាម​អាន រួចហើយ​ចុច​លើ​ប៊ូ​តុង Done ជាការ​ស្រេច​។​ ​យ៉ាងណា​លោកអ្នក​ត្រូវមាន​គន្លឹះ​ក្នុង​ការប្រើ​មុខងារ Voice Dictation នេះ​ឱ្យមាន​ប្រសិទ្ធភាព​ដូចខាងក្រោម​៖ -​និយាយ​ឱ្យបាន​ច្បាស់ៗ​៖ អ្នក​ត្រូវ​និយាយ​ឱ្យបាន​ច្បាស់ តែ​មិនចាំបាច់​និយាយ​យឺត​ពេក​នោះទេ តែ​ក៏​មិនត្រូវ​និយាយ​លឿន​ពេក​ដែរ ព្រោះ​វា​អាចមាន erro ទៅវិញ​។ អ្នក​គ្រាន់តែ​និយាយ​ធម្មតា​ដូចជា​អ្នកអាន​ព័ត៌មាន​កាសែត​ទៅបាន​ហើយ គឺ​ព្យាយាម​ក្រិត​ឱ្យ​ត្រូវ​តាម​កម្រិត​សមត្ថភាព​របស់​មុខងា​រ Dictation​។ ​ -​កុំ​និយាយ​ច្រើនពេក​៖ សំឡេង​របស់​អ្នកនឹង​ផ្ញើ​ទៅ remote server ដូច្នេះ​គួរតែ​ប្រើ​មុខងារ dictation រយៈពេល​ក្រោម ៣០​វិនាទី​ជាការ​ប្រសើរ ជៀសវាង​មាន error​។ ម្យ៉ាង ប្រសិន​អ៊ីនធឺណិត​ខ្សោយ​ទៀត​នោះ​ការប្រើ​មុខងារ Voice Dictation នឹង​ជួយ​បញ្ហា​។ ​ -​ការប្រើ​វណ្ណយុត្ត និង​និមិត្តសញ្ញា​៖ ក្នុងការ​សរសេរ​សារ ឬ​អ៊ីមែល ប្រាកដជា​ត្រូវការ​ប្រើប្រាស់​និមិត្តសញ្ញា ឬ​វណ្ណយុត្ត​មិន​ខាន​។ ឧទាហរណ៍ ដើម្បី​ប្រើស​ញ្ញា​ក្បៀស ត្រូវ​និយាយ “comma” សញ្ញា​ខណ្ឌ (​ក្នុង​ភាសា​អង់គ្លេស​គឺ​សញ្ញា​ចុច “.”) ត្រូវ​និយាយថា “period” និង​សញ្ញា (-) ត្រូវ​និយាយថា “hypen” ជាដើម​។ នៅមាន​ការប្រើ​សញ្ញា ឬ​ការកំណត់​ទម្រង់​ផ្សេងៗ​ទៀត​ដោយ​ប្រើពាក្យ​ដូចជា​៖ “new line”, “new paragraph”, “apostrophe”, “dollar sign”, “euro sign”, “pound sterling sign”, “cap”​។ ​ -​បន្ថែម​សញ្ញា​បញ្ជាក់​អារម្មណ៍ (emoticons)៖ បើ​ចង់​ប្រើ​សញ្ញា​ញញឹម ឬ​សញ្ញា​បញ្ជាក់​អារម្មណ៍​ផ្សេងៗ អ្នក​អាច​វាយ​ដោយ​ប្រើ​មុខងារ Dictation បាន​ដោយ​គ្រាន់តែ​និយាយ​ពាក្យ​ដូចជា​៖ “smiley”, “winky” “frowny” សម្រាប់​សញ្ញា :-), ;-) ឬ :-( ដោយ៖ រឹទ្ធិរាជ
X
5s