ក្រុមហ៊ុន LG បាន​ថ្មីៗ​នេះ ទើប​ផលិត​បាន​នូវ​វីដេអូ​ផ្សព្វផ្សាយ​ផលិតផល​ផ្លូវការ​លើ​ស្មាតហ្វូន​ស៊េរី​ថ្មី LG G6+។ វីដេអូ​នេះ បង្ហាញ​នូវ​ទូរស័ព្ទ​ទំនើប​នេះ មាន​ពណ៌​ថ្មី​ចំនួន២ ដ៏​ស្រស់ស្អាត គឺ​ពណ៌​ខៀវ Marine Blue និង Terra Gold ​អម​ជាមួយ​មុខងារ​មិន​ជ្រាប​ទឹក ក៏​ដូច​ជា​មិន​ចូល​ធូលី​ផង​ដែរ។ https://youtu.be/4u5JQRQibBw ស្មាតហ្វូន​ស៊េរី​ខ្ពស់ G6+ ​នេះ រឹតតែ​ជា​ជំនាន់ premium version ជាង​ស្មាតហ្វូន G6 ​​ដែល​បាន​ប្រកាស​ចេញ​កាលពី​ដើម​ឆ្នាំ២០១៧។ ក្រៅពី G6+ មាន​ជម្រើស​ពណ៌​ថ្មី​ពីរ​ហើយ​នោះ ​វា​ថែមទាំង​មាន​អង្គ​ចងចាំ​ក្នុង​ម៉ាស៊ីន​ទំហំ 128GB ផង​ដែរ។ អ្នក​ថែមទាំង​អាច សាកថ្ម G6+ បាន​ដោយ​បច្ចេកវិទ្យា​ឥត​ខ្សែ (wireless charging) និង​មុខងារ 32-bit Hi-Fi Quad DAC ក៏​ដូច​ជា B&O Play earphone ​មាន​នៅ​ក្នុង​ប្រអប់​ស្រាប់។ ស្មាតហ្វូន​ទំនើប​ជំនាន់​ថ្មី​របស់​ក្រុមហ៊ុន​កូរ៉េ​នេះ ថែមទាំង​បាន​ភ្ជាប់​មក​នូវ​សូហ្វ៊ែរ​ទំនើប​មួយ​ចំនួន​ដូច​ជា Face Print (ដោះ​សោ​ទូរស័ព្ទ​យ៉ាង​ងាយស្រួល តាម​ផ្ទៃ​មុខ), Google Awareness API និង Covered Lens ​ហើយ​អ្វី​ទាំង​នេះ ក៏​នឹង​ត្រូវ​បញ្ចូល​ឱ្យ​មាន​នៅ​លើ​ម៉ូដែល LG G6 ​សម្រាប់​កញ្ចប់ Software Update ថ្មី​ខាង​មុខ​ផង​ដែរ៕ ​ប្រែ​សម្រួល៖ រឹទ្ធិរាជ ប្រភព៖ gsmarena