Galaxy S8 ត្រូវ​ចចាមអារ៉ាម​លើកឡើង​ថា នឹង​ចាប់​កំណើត អម​ដោយ​ឈីប​ mobile process ​ពីរ​ជម្រើស​គឺ Samsung Exynos និង Qualcomm Snapdragon 835។ Samsung នឹង​ប្រើប្រាស់​អង្គ​ប្រតិបត្តិ​ផ្សេង​គ្នា​នេះ ទៅ​តាម​ទីផ្សារ​ខុសៗ​គ្នា ហើយ​ថ្មីៗ​នេះ ក្រុមហ៊ុន​ទូរស័ព្ទ​កូរ៉េ​ខាង​ត្បូង​នេះ ប្រហែល​ទើប​ធ្វើ​ឱ្យ​បែកធ្លាយ ស្មាតហ្វូន​កូន​កាត់​ថេប្លេត​ជំនាន់​ថ្មី​គឺ Note 8។ ក្រុមហ៊ុន Samsung បាន​បង្ហោះ​នូវ tweet មួយ​ពី​គណនី Samsung Exynos ​និង​បាន tweet ​ជាមួយ​រូបថត​មួយ​សន្លឹក ដែល​ជា​ស្មាតហ្វូន Samsung ​មួយ​គ្រឿង។ វា​ហាក់​មាន​រូបរាង​ស្រដៀង​ខ្លាំង​ទៅ​នឹង​ស្មាតហ្វូន​បច្ចុប្បន្ន​គឺ Galaxy S8 តែ​ហាក់​មាន​ទំហំ​វែង​ជាង និង​ធំ​ជាង​បន្តិច ដែល​គេ​សន្និដ្ឋាន​ថា អាច​ជា Galaxy Note 8 ដែល​ក្រុមហ៊ុន​ត្រៀម​សម្ពោធ​នៅ​ខែ​សីហា ឬ​កញ្ញា​ខាង​មុខ​តែម្ដង។

Galaxy S8 ​មាន​ចចាមអារ៉ាម​ថា នឹង​មាន​ទំហំ​អេក្រង់ ៦,៣អ៊ីញ​កម្រិត QHD (2560x1440)px កាមេរ៉ា​ក្រោយ​ចំនួន​ពីរ​គ្រាប់ ទំហំ 12MP ​ហើយ​ខាង​មុខ​ភ្ជាប់​កាមេរ៉ា​សមត្ថភាព​ខ្ពស់ និង​មាន RAM រហូត​ដល់ 6GB អម​ដោយ​មេម៉ូរី​ទំហំ​ចាប់ពី 64GB ដល់ 128GB។ ក្រុមហ៊ុន Samsung ត្រូវ​គេ​រំពឹង​ថា នឹង​សម្ពោធ​ចេញ Galaxy Note 8 ជា​ផ្លូវការ​នៅ​ខែ​សីហា​ខាង​មុខ។ បើ​តាម​ចចាមអារ៉ាម​ថ្មីៗ​នេះ ថា ស្មាតហ្វូន​កូន​កាត់​ថេប្លេត ឬ​ហៅ​ថា ផេប្លេត​ថ្មី​នេះ នឹង​ត្រូវ​ប្រកាស​នៅ​ថ្ងៃ​ទី២៣ ខែ​សីះា ហើយ​នឹង​មាន​លក់​នៅ​ដើម​ខែ​កញ្ញា គឺ​មុន​វត្តមាន iPhone 8 ​ចេញ​ផ្លូវការ៕ ប្រែ​សម្រួល៖ រឹទ្ធិរាជ ប្រភព៖  Samsung / Twitter, Slashgear