ឯកសារ​ដូច​គ្នា​នៅ​លើ​កុំព្យូទ័រ គឺ​អាច​ធ្វើ​ឱ្យ​ខាត​ទំហំ (space) ​បាន។ ប្រសិន​កុំព្យូទ័រ​របស់​អ្នក ប្រើប្រាស់​អង្គ​ផ្ទុក​ទិន្នន័យ​ប្រភេទ SSD ដែល​មាន​ទំហំ​មិន​ធំ​នោះ អ្នក​ប្រហែល​ត្រូវ​រៀបចំ​ឯកសារ​ឱ្យ​បាន​ស្រួលបួល និង​គិត​មើល​ថា អ្វី​គួរ​រក្សា​ទុក និង​អ្វី​គួរ​លុប​ចេញ ឬ​រក្សា​ទុក​ក្នុង external HDD។ ចំណែក duplicate file ក៏​ជា​ចំណុច​គួរ​រៀបចំ​ទុក​ដាក់​ឱ្យ​បាន​ស្រួល​បួល​ដែរ ជៀសវាង​ខាត Space អត់​ប្រយោជន៍។ ទំព័រ​នេះ យើង​សូម​លើក​យក​គន្លឹះ ក្នុង​ការ​រាវរក​ឯកសារ​ដូច​គ្នា និង​លុប​ចេញ ជា​ផលិត​ប្រយោជន៍​សម្រាប់​អ្នក​ប្រើ​កុំព្យូទ័រ​មាន HDD មិន​ធំ៖

ក្នុង​គន្លឹះ​នេះ យើង​ត្រូវការ​កម្មវិធី​ជំនួយ ជាក់ស្ដែង​ កម្មវិធី​ដែល​យើង​នឹង​លើក​យក​មក​បង្ហាញ​នេះ មាន​ឈ្មោះ​ថា Duplicate Cleaner Pro 4 ឬ​កម្មវិធី Auslogics Duplicatie File Finder ឬ កម្មវិធី Ccleaner ឬ​កម្មវិធី SearchMyFiles ជាដើម។ សូម​បញ្ជាក់​ថា កម្មវិធី​ដែល​រៀបរាប់​ទាំង​នេះ គឺ​មាន​ជំនាញ​ក្នុង​ការ​ស្វែងរក​ឯកសារ​ស្ទួន​ដូច​គ្នា គ្រាន់តែ​ត្រូវ​បាន​ចាត់​ថ្នាក់​ផ្សេង​គ្នា​ដូច​ជា៖

ផ្ទាំង​កម្មវិធី Duplicate Cleaner Pro 3.2.6

 

ផ្ទាំង​កម្មវិធី Auslogics Duplicate File Finder

1) Auslogics Duplicate File Finder ត្រូវ​ចាត់​ចូល​ជា Tool ល្អ​បំផុត និង​ងាយស្រួល​ប្រើ (Best Easy-to-Use Tool)។ ទាញ​យក​ឥឡូវ​នេះ ដោយ​ចុច​លើ​ពាក្យ Download ...  

ផ្ទាំង​កម្មវិធី Ccleaner

2) Ccleaner ត្រូវ​ចាត់​ចូល​ជា Tool ល្អ​បំផុត​ដែល​អ្នក​ប្រហែល​មាន​ស្រាប់​នៅ​លើ​កុំព្យូទ័រ​របស់​អ្នក។ ទាញ​យក​ឥឡូវ​នេះ ដោយ​ចុច​លើ​ពាក្យ Download ...

ផ្ទាំង​កម្មវិធី SeachMyFiles

3) SeachMyFiles ចាត់​ចូល​ជា Tool ល្អ​បំផុត អម​ដោយ​មុខងារ​ច្រោះ​សមត្ថភាព​ខ្ពស់ (Best Tool With Advanced Filters)។ ទាញ​យក​ឥឡូវ​នេះ​ដោយ​ចុច​លើ​ពាក្យ Download ... អ្នក​អាច ទាញ​យក​កម្មវិធី Duplicate Cleaner Pro 4 បាន តែ​វា​ជា​ជំនាន់ free trial ​ប៉ុណ្ណោះ ដោយ​ចុច​លើ​តំណភ្ជាប់ link នេះ … Download Duplicate Cleaner Pro Now ... *** យើង​មាន Duplicate Cleaner Pro ជំនាន់​ពេញ​លេញ (full version) តែ​ជា version ចាស់។ លោក​អ្នក​អាច​ទាញ​យក​ទៅ​ប្រើ​បាន ដោយ​ចុច​លើ​តំណភ្ជាប់​នេះ Download Duplicate Cleaner Pro 3.2.6 យើង​សូម​លើក​យក​ ចំណុច​សំខាន់​ក្នុង​ការ​ប្រើ​កម្មវិធី Duplicate Cleaner Pro 3.2.6 បន្តិច​ជូន​ប្រិយមិត្ត៖ -បន្ទាប់​ពី Download កម្មវិធី​នេះ​តាម​ Link ខាង​លើ​រួច សូម​ដំឡើង​ចូល​កុំព្យូទ័រ។ -បើក​កម្មវិធី Duplicate Cleaner Pro 3.2.6 អ្នក​នឹង​ឃើញ​ផ្ទាំង​កម្មវិធី​ដូច​ខាង​ក្រោម៖

ផ្ទាំងដើមកម្មវិធី Duplicate Cleaner Pro 3.2.6

-សូម​ចុច​លើ​តាប Scan Location ដើម្បី​កំណត់​ទីតាំង​ដែល​ចង់​ស្កេន រួច​ចុច​លើ​ប៊ូតុង Scan Now (រូប​ខាង​ក្រោម)

-នេះ​ជា​ផ្ទាំង​កម្មវិធី​កំពុង​ដំណើរការ​ស្កេន

-នេះ​ជា​បណ្ដា​ឯកសារស្ទួន​គ្នា​ដែល​កម្មវិធី​រក​ឃើញ (រូប​ខាង​ក្រោម)

-ចុច​ធីក​លើ​ឯកសារ​ មួយ ឬ​ច្រើន ក្នុង​ចំណោម​ឯកសារ​ស្ទួន​ ដើម្បី​លុប​ចេញពី​កុំព្យូទ័រ ឬ​លុប ដោយ​បន្សល់​ក្នុង​ធុង​សម្រាម ដោយ​ត្រូវ​ចុច​ធីក​លើ​ឃ្លា Delete ty Recycle Bin។  

  ដោយ៖ រឹទ្ធិរាជ ប្រភព៖ howtogeek