​ថ្មីៗ​នេះ​យើង​បាន​ឃើញ​រូប render ជាមួយ​ការ​អះអាង​ថា ជា​រូប​របស់ Galaxy Note 8 ហើយ​ពេល​នេះ យើង​បាន​ដំណឹង​អំពី​លក្ខណៈ​សម្បត្តិ​កាន់តែ​លំអិត​ជុំវិញ​ផេប្លេត​ជំនាន់​ថ្មី​របស់​ក្រុមហ៊ុន Samsung ហើយ ដែល​គេ​សន្និដ្ឋាន​ជា​លក្ខណៈ​សម្បត្តិ​ពិត មិន​មាន​ការ​កែប្រែ​អ្វី​ទៀត​ឡើយ។

​រូប render នេះ ត្រូវ​បាន​ទម្លាយ​ចេញ​ដោយ​គណនី Twitter មួយ​ឈ្មោះ @Even Blass ​ដែល​មិន​បាន​បញ្ជាក់​លក្ខណៈសម្បត្តិ​លើ​ស្មាតហ្វូន​កូន​កាត់​ថេប្លេត​នេះ​ឡើយ។ Galaxy Note 8 ​នឹង​បង្ហាញ​ខ្លួន ភ្ជាប់​ដោយ​អេក្រង់​ទំហំ ៦,៣អ៊ីញ Super AMOlED ​កម្រិត QHD+ resolution 2960x1440px។ វា​នឹង​ប្រើ​បន្ទះ​ឈីប Qualcomm Snapdragon 835 ​សម្រាប់​ចេញ​នៅ​ទីផ្សារ​អាមេរិក។ ហើយ​ក៏​មាន​Note 8 ​ប្រើ​ឈីប Exynos 8995 ដែល​នឹង​ត្រូវ​ដាក់​លក់​លើ​ទីផ្សារ​ផ្សេងៗ​ក្រៅពី​អាមេរិក។

Galaxy Note 8 ​នឹង​មាន RAM 6GB អង្គ​ចងចាំ 64GB ​សម្រាប់​ម៉ូដែល​ស្តង់ដារ។ យើង​ក៏​រំពឹង​នឹង​មាន​ម៉ូដែល 128GB ​និង 256GB ជា​ជម្រើស​នៅ​លើ Note 8 ថ្មី​នេះ​ផង​ដែរ។ Galaxy Note ជំនាន់​ថ្មី បំពាក់​មក​ជាមួយ​កាមេរ៉ា​សមត្ថភាព​ខ្ពស់​កប់ (high end camera)។ កាមេរ៉ា​មុខ​ទំហំ MP ​ខណៈ​កាមេរ៉ា​ក្រោយ​ជា dual camera ​ទំហំ 12MP ​ដូច​គ្នា តែ​មាន​លក្ខណៈ​សម្បត្តិ​ផ្សេង​គ្នា ដោយ​មួយ​មាន​កម្រិត f/1.7 aperture និង​ dual pixel auto focus ​និង​ជា wide angle lens ចំណែក​មួយ​តៀត ជា telephoto lens ​មាន​កម្រិត f/2.4 aperture និង 2x optical zoom។ កាមេរ៉ា​ទាំង​ពីរ​នៅ​ខាង​ក្រោយ នឹង​បំពាក់​បច្ចេកវិទ្យា Optical Image Stabilization (OIS) ដូច​គ្នា។ Galaxy Note 8 នឹង​មាន​កម្លាំង​ថ្ម 3300mAh អម​ដោយ​មុខងារ​សាកថ្ម​រហ័ស (fast charging) ​ក៏​នឹង​មាន​បច្ចេកវិទ្យា​សាកថ្ម​ឥត​ខ្សែ (wireless charging) ផង​ដែរ។ ផេប្លេត​ជំនាន់​ថ្មី​នេះ នឹង​ត្រូវ​សម្ពោធ​ផ្លូវការ​នៅ​ថ្ងៃ​ទី២៣ ខែ​សីហា​នេះ ហើយ​អាច​មាន​លក់​នៅ​ដើម​ខែ​កញ្ញា ប្រកៀកប្រកិត​នឹង​ព្រឹត្តិការណ៍ Apple ប្រកាស iPhone 8 ដែរ៕ ប្រែ​សម្រួល៖ រឹទ្ធិរាជ ប្រភព៖ Venture Beat