​អាវុធ​ថ្មី​របស់​ក្រុមហ៊ុន HMD ​គឺ Nokia 8 ​ត្រូវ​គេ​រំពឹង​ថា នឹង​ត្រូវ​វែកមុខ​នៅ​ថ្ងៃ​ទី១៦ ខែ​សីហា​នេះ។ ហើយ​ថ្មីៗ​នេះ ផ្ទាំង​កម្មវិធី​មុខងារ​កាមេរ៉ា​ Camera UI នៅ​លើ Nokia 8 ទើប​លេច​ចេញ ដែល​អាច​ជា​ទម្រង់​សូហ្វ៊ែរ​នៃ​ប្រព័ន្ធ​ប្រតិបត្តិការ Android 8 ដែល​ជា​ជំនាន់ OS ចុងក្រោយ​របស់ Google។

Nokia 8 ​ត្រូវ​គេ​រំពឹង​ថា នឹង​បំពាក់​មក​ជាមួយ​កាមេរ៉ា​ភ្លោះ​បច្ចេកវិទ្យា Zeiss Optics។ រូប​ថត​ប៉ុន្មាន​សន្លឹក​នេះ ត្រូវ​គេ​អះអាង​ថា ជា​ផ្ទាំង​កម្មវិធី​កាមេរ៉ា camera app ​នៅ​លើ​ស្មាតហ្វូន​ថ្មី Nokia 8 ​ដែល​ហាក់​មិន​មាន​ការ​កែប្រែ​អ្វី​ច្រើន​នោះ​ទេ ប្រៀបធៀប​នឹង​ផ្ទៃ​មុខងារ​កាមេរ៉ា​លើ Nokia ស៊េរី​មុន។ Nokia 8 នឹង​បំពាក់​មក​ជាមួយ​កាមេរ៉ា​ភ្លោះ Dual-Camera, មុខងារ RGB ​និង Mono។ មុន​ពេល​ថត​រូប អ្នក​អាច​ជ្រើសរើស​មុខងារ​ឱ្យ​កាមេរ៉ា​ណាមួយ​ថត ដូច​ជា Main camera, Dual-Camera និង Front-facing camera។ ​ថ្វីបើ Nokia 8 នឹង​មាន​ផ្ទាំង​មុខងារ​កាមេរ៉ា​តិច​ជាង camera UI ​ទំនើបៗ​នៅ​លើ​ស្មាតហ្វូន​ខ្លះ​ក៏​ដោយ ប៉ុន្តែ​ក្រុមហ៊ុន HMD ​ប្រហែល​នឹង​ធ្វើ​បច្ចុប្បន្នភាព​ដោយ​ការ​ដាក់​ចេញ​កម្មវិធី Lumia Camera app ដែល​អាច​ប្ដូរ​ឈ្មោះ និង​បង្កើត​សម្រាប់​តម្រូវ​ជាមួយ​ស្មាតហ្វូន Android វិញ​ក៏​ថា​បាន។ របាយការណ៍​ថ្មី​ចុងក្រោយ​នេះ លើកឡើង​ថា Nokia 8 ​អាច​ជា​ស្មាតហ្វូន​មិន​មែន​របស់ Google ​ដំបូង​គេ​ដែល​ដំណើរការ​ដោយ​ប្រព័ន្ធ​ប្រតិបត្តិការ Android O មុន​គេ។ ជាក់ស្ដែង​អ្នក​អាច​មើល​ឃើញ​នៅ​ក្នុង​បញ្ជី​ធ្វើ​តេស្ត​សមត្ថភាព Nokia 8 នេះ ដូច​រូប​ខាង​លើ៕ ប្រែ​សម្រួល៖ រឹទ្ធិរាជ ប្រភព៖  phonearena