ក្រុមហ៊ុន Panasonic ​ថ្មីៗ​នេះ បាន​ប្រកាស​ចេញ​ស្មាតហ្វូន Android ​ថ្មី​ពីរ​ម៉ូដែល គឺ Eluga A3 និង Eluga A3 Pro មាន​តម្លៃ​ធូរ​ថ្លៃ តែ​ភ្ជាប់​ដោយ​លក្ខណៈ​សម្បត្តិ​បង្គួរ​ល្មម​ប្រើប្រាស់។

A3 និង A3 Plus ត្រូវ​បាន​ឌីហ្សាញ​ជា​ស្មាតហ្វូន​ធុន​មធ្យម តម្លៃ​ធូរ​ថ្លៃ​របស់​ក្រុមហ៊ុន Panasonic ​ដែល​ផលិត​សម្រាប់​ទីផ្សារ​ឥណ្ឌា។ ចំពោះ​ម៉ូដែល A3 គឺ​បាន​ប្រើប្រាស់​ឈីប MediaTek MT6737 ល្បឿន 1.25GHz quad-core ខណៈ​ម៉ូដែល A3 Pro ​មាន​ល្បឿន 1.3GHz octa-core នៅ​លើ​ឈីប MediaTek MT6753។

​ទូរស័ព្ទ​ទាំង​ពីរ​ម៉ូដែល មាន​អេក្រង់​ទំហំ ៥,២អ៊ីញ​កម្រិត 720spx ​និង​ប្រើ​កញ្ចក់​ការពារ Ashai Dragontrail glass។ វា​មាន RAM ទំហំ 3GB ប៉ុន្តែ​សម្រាប់​ម៉ូដែល A3 ​មាន​អង្គ​ចងចាំ​ត្រឹម 16GB ខណៈ​ម៉ូដែល A3 Pro ​វិញ​មាន​ទំហំ​ដល់ 32GB។ ស្មាតហ្វូន​ទាំង​ពីរ មាន​កាមេរ៉ា​ក្រោយ​ទំហំ 13MP ដូច​គ្នា autofocus រីឯ​កាមេរ៉ា​មុខ​ទំហំ 8MP។ ទាំង​ពីរ​ម៉ូដែល​ក៏​មាន​កម្លាំង​ថ្ម 4000mAh និង​ជា​ទូរស័ព្ទ​ស៊ីម២ ដូច​គ្នា។ ស្មាតហ្វូន​ធុន​មធ្យម​ទាំង​ពីរ​ម៉ូដែល នឹង​ដំណើរការ​ដោយ​ប្រព័ន្ធ​ប្រតិបត្តិការ Android 7.0 Nougat អម​ជាមួយ ARBO ក៏​ដូច​ជា virtual assistant ​របស់ Panasonic។ Eluga A3 ​នឹង​មាន​លក់​ក្នុង​តម្លៃ​ប្រហែល ១៧៦ដុល្លារ ចំណែក​ម៉ូដែល Eluga A3 Pro វិញ​តម្លៃ​ប្រហែល ១៩៩ដុល្លារ​អាមេរិក៕ ​ប្រែ​សម្រួល៖ រឹទ្ធិរាជ ប្រភព៖ gsmarena