​ការ​ដំឡើង​ប្រព័ន្ធ​ប្រតិបត្តិការ Windows ​គឺ​ត្រូវ​គិត​លើ​ប្រភេទ Partition ​ដែល​ចែក​ចេញ​ជា​ពីរ​នោះ​គឺ ការ​ដំឡើង​ដោយ​ប្រើ MBR ឬ GPT partition style។ ​នៅ​ពេល​ដំឡើង Windows ​លើ UEFI-based PCs ដោយ​ប្រើ Windows Setup ​នោះ hard drive partitions style ត្រូវតែ​ធ្វើ​ការ​កំណត់​ដើម្បី​គាំទ្រ UEFI mode ឬ legacy BIOS-compatibility mode។ ឧទាហរណ៍ ​ប្រសិន​អ្នក​ទទួល​បាន​សារ error ដោយ​មាន​ឃ្លា “Windows cannot be installed to this disk. The selected disk is not of the GPT partition style” នេះ​គឺ​ព្រោះ​តែ កុំព្យូទ័រ​ គឺ​ត្រូវ​បាន boot ក្នុង​ទម្រង់ UEFI mode ប៉ុន្តែ hard drive ​គឺ​មិន​ត្រូវ​បាន configured សម្រាប់ UEFI mode ទេ។ ហើយ​ខាង​ក្រោម​នេះ​ជា​ដំណោះស្រាយ ៖ https://youtu.be/DQf9YqbD8WI *អនុវត្ត​ចំពោះ Windows 7 -ដំបូង restart កុំព្យូទ័រ ក្រោយ​ពេល​ឃើញ​ផ្ទាំង​សារ error មិន​អាច​ដំឡើង​ដូច​ខាង​លើ។ -ចុច Shift + F10 ដើម្បី​បើក​ចូល​ផ្ទាំង console

-​វាយ​បញ្ចូល​ពាក្យ​បញ្ជា “diskpart” រួច​ចុច Enter -វាយ​ពាក្យ​បញ្ជា “list disk” ដើម្បី​មើល disk -វាយ​ពាក្យ​បញ្ជា “select disk 0” (ឧទាហរណ៍ Disk 0 ជា​ឌីស​ដែល​អ្នក​ចង់ convert) -​វាយ​ពាក្យ​បញ្ជា “clean” (រង់ចាំ​មួយ​រយៈពេល រហូត​ទាល់​ការ​សម្អាត​ឌីស​ចង់​សព្វគ្រប់) បញ្ជាក់៖ Clean គឺ​មាន​ន័យ​ថា Format ​ឌីស ដូច្នេះ​ត្រូវ​ប្រាកដ​ថា លោក​អ្នក​បាន copy ឯកសារ​សំខាន់​ចេញ​ពី​កុំព្យូទ័រ​រួច​ហើយ ប្រយ័ត្ន​បាត់បង់​ទិន្នន័យ​មាន​តម្លៃ​របស់​អ្នក។ អ្នក​ក៏​អាច​ដក hard disk ដែល​រៀប​ដំឡើង​នេះ ទៅ​ដោត​ជាមួយ​កុំព្យូទ័រ​ផ្សេង ដើម្បី copy ឯកសារ​សំខាន់ៗ​ចេញ​ក៏​បាន។ -វាយ​ពាក្យ​បញ្ជា “convert gpt” រួច Enter​ -ចុងក្រោយ​វាយ​ពាក្យ​បញ្ជា exit ដើម្បី​ចាកចេញ​ពី​ផ្ទាំង console។ រួច​ចាប់ផ្ដើម​ការ​ដំឡើង Windows ​ម្ដង​ទៀត នោះ​អ្នក​នឹង​ឃើញ​លទ្ធផល​ជា​ពុំ​ខាន! ប្រសិន​ប្រិយមិត្ត ដឹង​ពី​វិធីសាស្រ្ត​ផ្សេង​ក្រៅពី​នេះ ក៏​អាច​បញ្ចេញ​មតិ​ក្នុង​ប្រអប់ comment ខាង​ក្រោម​បាន​ផង​ដែរ ឬ​ប្រសិន​យល់​ដឹង​គន្លឹះ​កុំព្យូទ័រ​ល្អៗ​ផ្សេងៗ​អាច​ចែករំលែក​គ្នា​បាន​ផង​ដែរ៕ ដោយ៖ រឹទ្ធិរាជ ប្រភព៖ technet.microsoft.com