ស្មាតហ្វូន​ជំនាន់​ថ្មី Nokias 8 ទីបំផុត​ត្រូវ​វែក​មុខ​សម្ពោធ​ផ្លូវការកាលពី​ថ្មីៗ​នេះ។ វា​ជា​ស្មាតហ្វូន​ទំនើប​ចេញ​ថ្មី​ដើរ​ដោយ​ប្រព័ន្ធ​ប្រតិបត្តិការ Android ​របស់​ក្រុមហ៊ុន Nokia ​ភ្ជាប់​អេក្រង់ ៥,៣អ៊ីញ Quad HD ​និង​មាន​កម្រិត resolution 2560x1440px ហើយ​ក្រាល​ដោយ​កញ្ចក់​ការពារ Corning Gorilla Glass 5។ https://youtu.be/GFxSM56kCyU   https://youtu.be/nH8DizzUWhk ស្មាតហ្វូន​ថ្មី​នេះ ប្រើ​បន្ទះ​ឈីប Qualcomm Snapdragon 835 ​បំពាក់​មក​ជាមួយ RAM ទំហំ 4GB ​និង​មាន​អង្គ​ចងចាំ​ទំហំ 64GB។ ប្រសិន​បើ​អ្នក​ចង់​បាន​អង្គ​ផ្ទុក​ទិន្នន័យ​ធំ​ជាង​នេះ វា​ក៏​មាន​នូវ​រន្ធ​សម្រាប់​ដោត​កាត​មេម៉ូរី​ប្រភេទ microSD ​ផង​ដែរ ដែល​អាច​បន្ថែម​ដល់​ទំហំ 256GB។ Nokia 8 ដើរ​ដោយ Android Nougat ​និង​បំពាក់​មុខងារ​សំឡេង Nokia OZO spatial 360 degree audio។

Nokia 8 ​បាន​ភ្ជាប់​នូវ​មុខងារ​កាមេរ៉ា Carl Zeiss optics ​ទាំង​នៅ​លើ​កាមេរ៉ា​មុខ និង​កាមេរ៉ា​ក្រោយ ហើយ​ទាំង​ពីរ​បាន​ភ្ជាប់​មក​ជាមួយ​ទំហំ 13MP sensor ដូច​គ្នា។ អ្វី​ដែល​ពិសេស​នោះ Nokia ថែមទាំង​បាន​ណែនាំ​ចេញ​មុខងារ 'Bothies' នៅ​លើ Nokia 8 ​ដែល​ជា​មុខងារ​ជំនួយ​ដល់​ការ​ថត​រូប Selfie ទៀត​ផង។ មុខងារ​នេះ អាច​ចែក​ផ្ទៃ​វីដេអូ​ដាច់​ចេញ​ពី​គ្នា ដែល​គេ​ថែមទាំង​អាច live stream ​វា​នៅ​លើ Facebook និង YouTube បាន។

​Nokia 8 ថែមទាំង​បាន​ភ្ជាប់​មក​ជាមួយ​មុខងារ Google Assistant ហើយ​វា​អាច​រក្សា​ទុក​រូបថត​ដោយ​មិន​កំណត់​ជាមួយ​សេវាកម្ម Google Photo។ ស្មាតហ្វូន​នេះ ត្រូវ​បាន​ផលិត​ពី​អាលុយមីញ៉ូម​ 6000 series ​ដែល​ធ្វើ​ឱ្យ​តួ​ខ្លួន​រឹងមាំ​ល្អ ហើយ​មាន​ជម្រើស​ពណ៌​ស្រស់ស្អាត​ថែមទៀត។ ស្មាតហ្វូន​ចេញ​ថ្មី​របស់​ក្រុមហ៊ុន​ហ្វាំងឡង់​នេះ មាន​កម្លាំង​ថ្ម 3090mAh ​មាន WiFi, Bluetooth និង​ប្រព័ន្ធ​សេវា 4G LTE។

Nokia នឹង​ចេញ​លក់​ស្មាតហ្វូន Nokia 8 ​នៅ​ទីផ្សារ​អឺរ៉ុប​ចាប់ពី​ខែ​កញ្ញា​ខាង​មុខ​តទៅ ហើយ​នឹង​មាន​លក់​រាយ​តម្លៃ​ប្រហែល ៥៩៩អឺរ៉ូ ឬ​ប្រហែល ៧០០ដុល្លារ​អាមេរិក៕ ​ប្រែ​សម្រួល៖ រឹទ្ធិរាជ ប្រភព៖ Nokia