Facebook ​ដែល​ជា​ក្រុមហ៊ុន​បណ្ដាញ​សង្គម​ធំ​បំផុត​លើ​លោក ថ្មីៗ​នេះ​បាន​ប្រកាស​ឱ្យ​ដឹង​អំពី​ការ​ឌីហ្សាញ​ថ្មី​ឡើង​វិញ​នូវ​កម្មវិធី Facebook app ​សម្រាប់​ទូរស័ព្ទ ដែល​ធ្វើ​ឱ្យ​រូប Profile ​របស់​អ្នក​ប្រើ មាន​ទម្រង់​ជា​រង្វង់​មូល ស្អាត​មួយ​បែប។

សូម​បញ្ជាក់​ដែរ​ថា កាលពី​ខែ​មីនា កន្លង​ទៅ បណ្ដាញ​សង្គម Twitter ​បាន​ធ្វើ​កំណែប្រែ​នេះ​មុន Facebook ​រួច​ហើយ។ នេះ​អាច​ជា​ការ​ប្រកួតប្រជែង​គ្នា រវាង​បណ្ដាញ​សង្គម ដោយ​ការ​តាម​សង្កេត​គ្នា​ទៅ​វិញ​ទៅ​មក។ ប៉ុន្តែ​ការ​ធ្វើ​រូប Profile មាន​រាង​ជា​រង្វង់​មូល​ដូច្នេះ វា​អាច​មាន​ទំហំ​តូច​ជាង​មុន​ទៅ​វិញ យ៉ាងណា ក៏​នេះ​ជា​ការ​ឌីហ្សាញ​ថ្មី ហើយ​ត្រូវ​ក្រុមហ៊ុន​រំពឹង​ថា អ្នក​ប្រើប្រាស់​នឹង​រីករាយ​ជាមួយ​ទម្រង់​រូប Profile ​ថ្មី​នេះ។ មិន​ខុស​គ្នា​នឹង ទម្រង់ comments ​នោះ​ទេ ពោល​គឺ​នឹង​ឌីហ្សាញ​ថ្មី បង្ហាញ​រូប​អ្នក comment ​ជា​រាង​រង្វង់​មូល​ដូច​ទៅ​នឹង​រូប Profile ដែរ ហើយ​មាន​លក្ខណៈ​ងាយស្រួល comment ជាង​មុន​ផង​ដែរ។

ចំណែក​ការ​ផ្លាស់ប្ដូរ​ផ្សេង​ទៀត គឺ​ទៅ​លើ​សមត្ថភាព​ដែល​កម្មវិធី Facebook ​ឱ្យ​ដឹង​ថា មាន​តំណភ្ជាប់ (link) ណា ដែល​នឹង​នាំ​អ្នក​ចូល​ទៅ link នោះ មុន​នឹង​ចុច tap ​លើ​វា ហើយ​ក៏​បាន​កែលំអ​លើ​ពណ៌ ដើម្បី​ផ្ដល់​បទពិសោធន៍​កាន់តែ​ងាយស្រួល​ដល់​ការ​អាន​របស់​អ្នក​ប្រើ។ ក្រុមហ៊ុន Facebook បាន​លើក​ឡើង​ថា ការ​ឌីហ្សាញ​ថ្មី​នេះ នឹង​ដាក់​ចេញ​ឱ្យ​ប្រើ​នៅ ប៉ុន្មាន​សប្ដាហ៍​ខាង​មុខ ប៉ុន្តែ​ពេល​នេះ វា​ក៏​បាន​ច្របាច់​បញ្ចូល​ទៅ​លើ Facebook app លើ​ស្មាតហ្វូន​មួយ​ចំនួន​ជា​បណ្ដើរៗ​ហើយ។ សាក​ឆែក​មើល FB លើ​ស្មាតហ្វូន​របស់​អ្នក​មើល៍ តើ​មាន​អ្វី​ប្លែក​ឬ​អត់?   ​ប្រែ​សម្រួល៖ រឹទ្ធិរាជ ប្រភព៖ phonearena