ក្រុមហ៊ុន Asus ថ្មីៗនេះបានប្រកាសចេញស្មាតហ្វូនស៊េរីថ្មីម្ដងដល់ទៅ ៤ម៉ូដែល ស្ថិតក្នុងសែស្រឡាយ ZenFone 4។ ស្មាតហ្វូនថ្មីទាំង ៤នេះមានឈ្មោះដូចជា ZenFone 4 Pro, ZenFone 4, ZenFone 4 Selfie Pro និង ZenFone 4 Selfie ដែលមានលក្ខណៈសម្បត្តិ និងមុខងារផ្សេងៗគ្នា។
ក្រុមហ៊ុន Asus កំពុងសម្រួចត្រកូលស្មាតហ្វូនស៊េរី ZenFone ដោយផ្ដោតធ្ងន់ទៅលើសមត្ថភាពថតរូប។ ប្រធានក្រុមហ៊ុន Asus លោក Shih បានលើកឡើងថា៖ “យើងពិតជាមានក្ដីរំភើបរីករាយ ក្នុងការប្រកាសវត្តមានស្មាតហ្វូនគ្រួសារ ZenFone 4 ដែលជាស្មាតហ្វូនមានសមត្ថភាព”។
https://youtu.be/It3CEluIAhg
អនុប្រធាន និងជាប្រធានក្រុមហ៊ុន Qualcomm Taiwan លោក ST Liew ក៏បានបង្ហាញនូវការគាំទ្រយ៉ាងខ្លាំងសម្រាប់ភាពជាដៃគូដ៏រឹងមាំរវាង Asus និង Qualcomm Technologies, Inc។ នៅលើឆាកក្នុងការធ្វើបទបង្ហាញស្មាតហ្វូនថ្មីនេះ លោកបានមានប្រសាសន៍ថា៖ “ពិតជាសប្បាយរីករាយដែលបានធ្វើការរួមគ្នាជាមួយ Asus ក្នុងការផលិតបានគ្រួសារស្មាតហ្វូន ZenFone 4។ ZenFone 4 Pro ជាស្មាតហ្វូនស៊េរីខ្ពស់ បានប្រើបន្ទះឈីប Qualcomm Snapdragon 835 ល្បឿនលឿន នឹងផ្ដល់បទពិសោធន៍ដល់អ្នកប្រើប្រាស់ដែលមានតម្រូវការលើល្បឿនដំណើរការលឿន ស្មាតហ្វូនដែលមានសមត្ថភាពកាមេរ៉ា និងល្បឿនអ៊ីនធឺណិតលឿន"។
https://youtu.be/r2cI80i6DQ0
*ZenFone 4 មានចំណុចខ្លាំងទៅលើ បំពាក់កាមេរ៉ាភ្លោះ និងអាចថតរូប landscape បានមុំ ១២០ដឺក្រេ។ វាភ្ជាប់មកជាមួយអេក្រង់ ៥,៥អ៊ីញ ប្រើឈីប Snapdragon 660 និង 630 ហើយមានកម្លាំងថ្ម 3300mAh ប្រភេទ lithium polymer។
**ZenFone 4 Pro មានចំណុចខ្លាំងត្រង់ សមត្ថភាពកាមេរ៉ាដែលអាចប្រើ 10X zoom, 8X light sensitivity និងមាន RAM 6GB។ ZenFone 4 Pro មានកាមេរ៉ាភ្លោះ ប្រើបច្ចេកវិទ្យា Sony IMX362 image sensor ជាមួយ large ½.55-inch និងមាន f/1.7 aperture lens ថតរូបបានភ្លឺច្បាស់នៅទីងងឹត។ កាមេរ៉ាភ្លោះស្មាតហ្វូននេះ មានទំហំ 16MP ជាមួយ 2X optical zoom និង 10X total zoom ដែលផ្ដល់ពន្លឺ និងភាពច្បាស់ដល់រូបថត។ វាក៏បានប្រើបច្ចេកវិទ្យា Asus SuperPixel អាចថតច្បាស់នៅកម្រិត 8X និងមាន OIS ដែលជួយធ្វើឱ្យរូបព្រាល background ដាច់ស្អាត។ វាបំពាក់ដោយឈីប Snapdragon 835 មានក្រាហ្វិក Qualcomm Adreno 540 មានប្រព័ន្ធ LTE Advance ជំនាន់ចុងក្រោយផ្ដល់ល្បឿនអ៊ីនធឺណិតលឿន។
***ចំណែក ZenFone 4 Selfie Pro ត្រូវបានឌីហ្សាញផ្ដោតទៅលើការថតរូបតាមកាមេរ៉ាមុខ (Selfie) បានច្បាស់ គុណភាពខ្ពស់ កម្រិត 2X light sensitivity, 120° wefies និង 4K selfie video។ វាបានប្រើប្រាស់បច្ចេកវិទ្យាកាមេរ៉ា Sony IMX362 dual-pixel image sensor ដែលមានចំនួន light-capturing photodiodes ទ្វេដង ហើយប្រើបច្ចេកវិទ្យា Asus SuperPixel Engine ដែលផ្ដល់កម្រិតពន្លឺភ្លឺច្បាស់ដល់ទៅ 2X brighter low-light selfie ឯកទេសថតរូប selfie នៅទីងងឹតបានយ៉ាងជំនាញ។ ពិសេសនោះ កាមេរ៉ាមុខរបស់ ZenFone 4 Selfie អាចថតវីដេអូដល់កម្រិត 4K UHD selfie ជាំមួយទំហំ 24MP DuoPixel មានន័យថា វាផលិតរូបថតស្មើនឹង រូប 24MP ស្អាត និងមាន resolution រូប selfie ខ្ពស់។
https://youtu.be/-dNZ9tLvHmE
****ចុងក្រោយនេះ ម៉ូដែល ZenFone 4 Selfie ដែលខ្លាំងទៅលើ Dual selfie camera ទំហំ 20MP selfies និង 120° wefies។ ZenFone 4 Selfie បំពាក់កាមេរ៉ាមុខភ្លោះ dual front facing camera អាចថតរូបបានកម្រិត resolution ខ្ពស់ ដែលមានទំហំ 20MP main selfie និងមាន 120° super wide-angle wefie camera។ ចំណែកកាមេរ៉ាក្រោយមានទំហំ 16MP ថតរូបបាន hight-resolution ផងដែរ ជាមួយល្បឿនលឿន។ វាប្រើបន្ទះឈីប Snapdragon 430 ជាទូរស័ព្ទប្រើស៊ីមកាត២ និងអាចបន្ថែម microSD បានដល់ 2TB៕
https://youtu.be/rXMDzmqH1tI
ប្រែសម្រួល៖ រឹទ្ធិរាជ
ប្រភព៖ Asus
