Google ជាសេវាកម្មស្វែងរុករកតាមអនឡាញ និងជា default search engine មាននៅលើកម្មវិធី Safari របស់ Apple។ បើតាមសេចក្ដីរាយការណ៍ថ្មីនេះ ឱ្យដឹងថា ក្រុមហ៊ុន Google អាចនឹងត្រូវបង់ប្រាក់ទៅឱ្យ Apple ប្រមាណដល់ ៣ពាន់លានដុល្លារ សម្រាប់ជាថ្នូរក្នុងការបន្តដាក់ default search របស់ខ្លួននៅលើ Safari។
កាលពីឆ្នាំ២០១៤ កន្លងទៅ ក្រុមហ៊ុន Google បានចំណាយអស់ ១ពាន់លានដុល្លាររួចមកហើយ ក្នុងការស្នើដាក់ default search engine របស់ខ្លួននៅលើកម្មវិធី Safari។ ហេតុផលនៃកំណើនទឹកប្រាក់នេះ គឺអាចមកពីរឿងពីរយ៉ាង ទី១ គឺដោយសារតម្រូវការប្រើប្រាស់ទូរស័ព្ទមានការកើនឡើងជាងពេលមុន ហើយទី២ គឺដោយសារ Apple បន្តមហិច្ឆតាចង់សម្រុកយកទីផ្សារលក់ទូរស័ព្ទ iPhone ឱ្យបានកាន់តែច្រើន។
ខណៈ Android OS របស់ Google អាចជា Platform មានប្រជាប្រិយភាពខ្លាំងជាង តែ Apple នៅតែជាក្រុមហ៊ុនស្មាតហ្វូនលំដាប់កំពូលមួយ ដែលរកប្រាក់ចំណេញបានច្រើនបំផុត ហើយនេះក៏អាចជាហេតុផលមួយផ្សេងទៀត ដែល Apple ទាមទារប្រាក់ដ៏ច្រើនពី Google ដើម្បីបើកភ្លើងខៀវឱ្យ default search របស់ Google អាចបន្តវត្តមាននៅលើ iPhone និង iPad បាន៕
ប្រែសម្រួល៖ រឹទ្ធិរាជ
ប្រភព៖ TechCrunch
