ថ្មីៗ​នេះ យើង​បាន​ឮ​ដំណឹង​ផ្សេងៗ​គ្នា អំពី iPhone 8 ​របស់ Apple ​ហើយ​ឥឡូវ​នេះ មាន​សេចក្ដីរាយការណ៍​ឱ្យ​ដឹង​ពី​លក្ខណៈ​សម្បត្តិ​បន្ថែម ដែល​រំពឹង​នឹង​មាន​លើ​កំពូល​ទូរស័ព្ទ​មួយ​នេះ។ តាម​របាយការណ៍​ថ្មី​នេះ អះអាង​ថា iPhone 8 នឹង​បង្ហាញ​ខ្លួន​ផ្លូវការ​ ភ្ជាប់​ជាមួយ RAM ទំហំ 3GB។

ប្រភព​ដដែល​ថែមទាំង​ឱ្យ​ដឹង​ទៀត​ថា កំពូល​ស្មាតហ្វូន​គម្រប់​ខួប​ទូរស័ព្ទ​ម៉ូដែល iPhone ​នេះ នឹង​មាន​អង្គ​ចងចាំ ៣ទំហំ​ផ្សេង​គ្នា គឺ ទំហំ 64GB, 256GB និង​មាន​រហូត​ទៅ​ដល់ 512GB ឯណោះ។ យើង​ក៏​បាន​ដឹង​ខ្លះៗ​នូវ​របាយការណ៍​ពាក់ព័ន្ធ​លក្ខណៈ​សម្បត្តិ iPhone 8 នេះ​​កន្លង​មក​ផង​ដែរ វា​នឹង​បំពាក់​ដោយ​អង្គ​ប្រតិបត្តិ​ជំនាន់​ថ្មី គឺ Apple A11 ដែល​ធ្វើ​ឱ្យ​ល្បឿន​ដំណើរការ​រឹតតែ​រលូន​លឿន​ជាង iPhone ជំនាន់​មុនៗ។ ឈីប Apple A11 ត្រូវ​រំពឹង​ថា នឹង​លឿន​ជាង​មុន ៣០% ប្រៀបធៀប​ឈីប​បំពាក់​លើ iPhone ​បច្ចុប្បន្ន ហើយ​ក៏​នឹង​ត្រូវ​បាន​កែលំអ​លើ​ក្រាហ្វិក​ថែមទៀត។ https://youtu.be/WZmn7eoX_hE   https://youtu.be/CPzNA7bJ1cg   https://youtu.be/Kxx-_5ElfU0 iPhone 8 នឹង​ក្រាល​ដោយ​អេក្រង់​ប្រភេទ OLED ​តែ​ទំហំ​ពិត​ប្រាកដ​មិន​ទាន់​មាន​ការ​អះអាង​គួរ​ឱ្យ​ទុក​ចិត្ត​បាន​នៅ​ឡើយ តែ​គេ​រំពឹង​ថា វា​អាច​មាន​ទំហំ ៥,៨អ៊ីញ។ iPhone 8 ក៏​នឹង​មាន​រចនាបថ​ឌីហ្សាញ​ថ្មី មាន​គែម​អេក្រង់​ស្ដើង ​ហើយ​អាច​មាន​សមាសធាតុ​ផលិត​ខុស​ពី iPhone 7។ ទូរស័ព្ទ​ទំនើប​នេះ នឹង​ត្រូវ​បាន​ផលិត​ពី​លោហៈ​ប្រភេទ stainless steel ហើយ​ក្រាល​ដោយ​កញ្ចក់​នៅ​ផ្នែក​ខាង​ក្រោយ អម​ជាមួយ​កាមេរ៉ា​ក្រោយ​ភ្លោះ (dual camera) បច្ចេកវិទ្យា​ថ្មី កែលំអ​ពី dual camera នៅ​លើ iPhone 7 Plus ថែមទៀត។ iPhone 8 នឹង​ដំណើរការ​ដោយ​ប្រព័ន្ធ​ប្រតិបត្តិការ iOS 11 ហើយ​គេ​រំពឹង​ថា វា​នឹង​ត្រូវ​ក្រុមហ៊ុន Apple ​សម្ពោធ​ចេញ​ផ្លូវការ​នៅ​ខែ​កញ្ញា​ក្រោយ​នេះ។ Apple ថែមទាំង​អាច​ចេញ​ស្មាតហ្វូន ២ម៉ូដែល​ផ្សេង​ទៀត​ដំណាល​នឹង iPhone 8 ដែរ គឺ iPhone 7s និង 7s Plus៕ ​ប្រែ​សម្រួល៖ រឹទ្ធិរាជ ប្រភព៖ Techtastic