ប្រសិន​អ្នក​កំពុង​ស្វែងរក ​កុំព្យូទ័រ​ទំហំ​តូចៗ ជា​ប្រភេទ Portable Mini PC ដែល​មាន​ថ្ម​ស្រាប់​សម្រាប់​បើក​ដំណើរការ​បាន​ភ្លាមៗ នោះ Toshiba dynaEdge ​នឹង​ជា​ជម្រើស​ល្អ​មួយ ដែល​អ្នក​អាច​ពិចារណា។ ជាមួយ​គំនិត​ច្នៃ​ប្រឌិត​ថ្មី​នៅ​លើ Mini PC ​ថ្មី​នេះ​ដែល​ប្រើ​ CPU ប្រភេទ Intel Skylake នឹង​ផ្ដល់​ឱ្យ​លោក​អ្នក​ប្រើប្រាស់​ជាមួយ​កិច្ចការ​ធំៗ​មួយ​ចំនួន​បាន។

​កុំព្យូទ័រ​ចល័ត​ស្រួល​ដាក់​តាម​ខ្លួន ដោយ​មាន​រាង​ល្មម​ដាក់​ចូល​ហោប៉ៅ​បាន របស់​ក្រុមហ៊ុន​ជប៉ុន​នេះ នឹង​មាន​លក់​ក្នុង​តម្លៃ​ចាប់ពី ៦២០ដុល្លារ ឬ ៨៨០ដុល្លារ អាស្រ័យ​តាម​ជម្រើស​លក្ខណៈ​សម្បត្តិ​ផ្សេង​គ្នា ពោល​ជា​ម៉ូដែល​ពីរ​ផ្សេង​គ្នា រួម​មាន​ម៉ូដែល dynaEdge Mobile PC DE-100 និង dynaEdge mini PC តែ​មាន​វិមាត្រ​ប៉ុន​គ្នា​ត្រឹមតែ 165.1 x 83.82 x 20.32mm ​និង​មាន​ទម្ងន់​ត្រឹមតែ ៣ខាំ​ប៉ុណ្ណោះ។ Toshiba dynaEdge ​ប្រើ​បន្ទះ​ឈីប​ជំនាន់​ទី៦ នៃ Intel Core M, គាំទ្រ​ក្រាហ្វិក Intel HD និង​មាន RAM ​ទំហំ​ដល់ 16GB ជាប់​ម៉ាស៊ីន​ប្រភេទ LPDDR3 ​ហើយ​ភ្ជាប់​មក​ជា​ស្រេច​នូវ​ប្រព័ន្ធ​ប្រតិបត្តិការ Windows 10 Pro។ សម្រាប់​តំណភ្ជាប់​រួម​មាន Dual Band Wireless-AC 8260 802.11ac Wi-Fi 2 និង​បច្ចេកវិទ្យា Bluetooth។   ​ប្រែ​សម្រួល៖ រឹទ្ធិរាជ ប្រភព៖ Liliputing