Google ​ថ្មីៗ​នេះ បាន​ប្រកាស​ថា ខ្លួន​បាន​ធ្វើ​កំណែប្រែ​ដោយ​ឌីហ្សាញ​ទម្រង់​ថ្មី​មួយ​ចំនួន​នៅ​លើ​បណ្ដា​ចែករំលែក​វីដេអូ YouTube ​របស់​ខ្លួន។ ការ​ឌីហ្សាញ​ទម្រង់​ថ្មី​នេះ បាន​ធ្វើ​ឱ្យ YouTube ​កាន់តែ​ងាយស្រួល​មើល និង​ថែមទាំង​បញ្ចូល​មក​ជាមួយ​មុខងារ​ថ្មី​ចំនួន​ផង​ដែរ។

កម្មវិធី YouTube ​ទទួល​បាន​ការ​ឌីហ្សាញ​ថ្មី​នៅ​លើ​ជំនាន់ Desktop ​ហើយ Google ក៏​បាន​បញ្ចូល​ Material Design របស់​ខ្លួន​ទៅ​លើ​ទម្រង់​ថ្មី​នេះ​ដែរ។ ក្រុមហ៊ុន​បាន​លើក​ឡើង​ថា ខ្លួន​កំពុង​ធ្វើការ​លើ​រចនាបថ​ថ្មី​នៅ​លើ​ YouTube ជំនាន់ Desktop និង​អរគុណ​ដល់​មតិ​យោបល់​ជា​វិជ្ជមាន ដើម្បី​អាច​ស្វែងយល់​ និង​បំពេញ​តម្រូវការ​អ្នក​ប្រើ​បាន។ https://youtu.be/9FWIG_c6PfI រចនាបថ​ថ្មី​គឺ​បាន​បញ្ចូល Material Design ​ទៅ​លើ YouTube ហើយ​និង​មាន​លក្ខណៈ​ថ្មី​ប្លែក តែ​មាន​ភាព​សាមញ្ញ ងាយស្រួល​ប្រើ ត្រូវ​នឹង​បទពិសោធន៍​អ្នកប្រើប្រាស់។ ក្នុង​នោះ​ក៏​មាន​នូវ​ Theme ​ផ្សេងៗ ដែល​រួម​មាន​ទាំង​ការ​ឌីហ្សាញ​ថ្មី​បញ្ចូល​នូវ Dark Theme គឺ​ធ្វើ​ឱ្យ​ផ្ទៃ background មាន​លក្ខណៈ​ងងឹត ខណៈ​ពេល​អ្នក​ទស្សនា​វីដេអូ ដើម្បី​ធ្វើ​ឱ្យ​ការ​ទស្សនា​កាន់តែ​ជក់ចិត្ត៕ ​ប្រែ​សម្រួល​៖ រឹទ្ធិរាជ ប្រភព៖ YouTube