ក្រុមហ៊ុន Samsung ថ្មីៗនេះទើបប្រកាសចេញស្មាតហ្វូនស៊េរីថ្មីនៅក្នុងប្រទេសថៃ ម៉ូដែល Galaxy J7+។ J7 Plus ភ្ជាប់ដោយអេក្រង់ទំហំ ៥,៥អ៊ីញកម្រិត Full HD 1920x1080px។ ស្មាតហ្វូនថ្មីនេះ ប្រើបន្ទះឈីប MediaTek Helio P20 និងមាន RAM 4GB អង្គចងចាំទំហំ 32GB។
ប្រសិនអ្នកត្រូវការមេម៉ូរីធំជាងនេះ គឺអាចប្រើកាត microSD ដល់ 256GB បាន។ សមាជិកត្រកូល J ថ្មីនេះ បំពាក់កាមេរ៉ាសមត្ថភាពខ្ពស់ ទាំងខាងក្រោយ និងខាងមុខ ហើយកាមេរ៉ាក្រោយជាកាមេរ៉ាភ្លោះ ដែលមួយទំហំ 13MP sensor និងមួយទៀតទំហំ 5MP sensor។ រីឯកាមេរ៉ាមុខវិញទំហំ 16MP សម្រាប់ថតវីដេអូ និងរូប selfie បានច្បាស់ល្អផងដែរ។
Galaxy J7+ មានកម្លាំងថ្ម 3000mAh ហើយនឹងមានជម្រើសពណ៌ដូចជា ខ្មៅ មាស និងពណ៌ផ្កាឈូក។ ស្មាតហ្វូននេះនឹងមានលក់រាយនៅលើទីផ្សារប្រទេសថៃ ក្នុងតម្លៃប្រហែល ៣៩០ដុល្លារអាមេរិក ខណៈកាលបរិច្ឆេទនឹងមានលក់លើទីផ្សារដទៃនៅពុំទាន់មានព័ត៌មានបញ្ជាក់នៅឡើយ៕
ប្រែសម្រួល៖ រឹទ្ធិរាជ
ប្រភព៖ Samsung, GSM Arena
