ពេល​នេះ​ដែរ Galaxy Note 8 ​ត្រូវ Samsung ​ចាប់ផ្ដើម​ចែកចាយ​លក់ ដល់​ដៃ​អតិថិជន​អតិថិជន​ដែល​បាន​ចុះឈ្មោះ​កុម្ម៉ង់​មុន​បណ្ដើរៗ ហើយ​ថ្មីៗ​នេះ គណនី YouTube មាន​ឈ្មោះ JerryRigEverything ​បាន​បង្ហាញ​ការ​ធ្វើតេស្ត​នៅ​លើ​កំពូល​ស្មាតហ្វូន​កូន​កាត់​ថេប្លេត​ថ្មី​នេះ ដោយ​ឆ្កូត ដុត និង​ធ្វើតេស្ត​ពត់​ទូរស័ព្ទ។ តោះ​ទៅ​ទស្សនា​វីដេអូ​ធ្វើតេស្ត​ដូច​ខាង​ក្រោម៖ https://youtu.be/t5r3r__noNU ​ក្នុង​ករណី​អ្នក​មិន​បាន​ទស្សនា​វីដេអូ​ពេញ​រយៈពេល ៥នាទី​ទេ អីចឹង​នេះ​ជា​ការ​សង្ខេប​ពី​លទ្ធផល​ធ្វើតេស្ត។ Note 8 ​ក្នុង​ការ​ធ្វើតេស្ត​ដំបូង​ទៅ​លើ​អេក្រង់ ដោយ​ប្រើ​ដែក​ចុង​ស្រួច យើង​សង្កេត​ឃើញ មាន​ស្នាម​ឆ្កូត​គួរ​សម និង​បាន​ប្រើ​កូន​កាំបិត​មុន ស្រួច ​បន្ត​ឆ្កូត​គ្រប់​ផ្នែក គ្រប់​ជ្រុង ទាំង​លើ​ផ្ទៃ​អេក្រង់ ផ្នែក​ក្រោយ កាមេរ៉ា ផ្នែក​ខាង សំណាញ់​សំឡេង និង​សូម្បី​តែ​ប៊ិច S-Pen ដោយ​លទ្ធផល​គឺ​មាន​ស្នាម​ឆ្កូត ខ្លះៗ និង​កម្រិត​រង​សម្ពាធ​ ផ្សេង​គ្នា​ទៅ​តាម​ផ្នែក។ ទោះបី​មាន​ស្នាម​ឆ្កូត​នៅ​លើ​ទ្រនាប់​ស្កេន​ម្រាមដៃ​ខាង​ក្រោយ តែ​មុខងារ Fingerprint នៅ​តែ​អាច​កំណត់ និង​សម្គាល់​ម្រាមដៃ​បាន​រហ័ស​ដដែ។

ចំពោះ​ការ​ធ្វើតេស្ត​បន្ទាប់ គឺ​ដោយ​ប្រើ​ដែកកេះ អុត​នៅ​លើ​អេក្រង់​ Note8 រយៈពេល ១០វិនាទី លទ្ធផល​គឺ​មាន​ស្នាម​អុត​ស នៅ​លើ​អេក្រង់ មិន​ដូច​ជា អេក្រង់ LCD ​នោះ​ទេ ដែល​បន្ទះ​អេក្រង់ AMOLED ​មិន​បាត់​ស្នាម​ទៅ​វិញ​រហ័ស​ឡើយ។ ចំណែក​ការ​ធ្វើតេស្ត​ចុងក្រោយ ជា​ការ​កាច់​ពត់ ប៉ុន្តែ​គេ​មិន​អាច​ប្រើ​កម្លាំង​ដៃ​ធម្មតា ពត់​ឱ្យ Note 8 កោង​បាក់​បាន​នោះ​ឡើយ។ នេះ​សបញ្ជាក់​ឱ្យ​ឃើញ​ពី​តួ​ខ្លួន​ដ៏​រឹងមាំ​នៅ​លើ​កំពូល​ផេប្លេត​អេក្រង់ ៦,៣អ៊ីញ super AMOLED នេះ៕ ចុះ​ប្រិយមិត្ត មាន​មតិ​យ៉ាង​ណា ទៅ​លើ​វីដេអូ​ធ្វើតេស្ត​នេះ? ​ដោយ៖ រឹទ្ធិរាជ ប្រភព៖  gsmarena