លេចឮ Nokia 9 ដើរដោយ Android Oreo 8.0 កាមេរ៉ាមុខ/ក្រោយ 12MP ថត 4K បានដូចគ្នា ស្កេនភ្នែក និងមិនចូលទឹក
15 Sep 2017 01:51:12
វាមិនមែនជាលើកដំបូងនោះទេ ដែល Nokia 9 មានដំណឹងលេចឮកន្លងមក គឺមានច្រើនទៀតផង ជាមួយការអះអាងទៅលើប្រព័ន្ធប្រតិបត្តិការដែលនឹងបំពាក់លើកំពូលស្មាតហ្វូនថ្មីរបស់ក្រុមហ៊ុនហ្វាំងឡង់នេះថា នឹងដោយដោយ Android 7.1.1 Nougat OS។ យ៉ាងណា របាយការណ៍ថ្មីចុងក្រោយនេះវិញ ហាក់បញ្ជាក់នូវការផ្លាស់ប្ដូរទៅលើប្រព័ន្ធសូហ្វ៊ែររបស់វា ដោយនឹងដំណើរការជាមួយ Android 8.0.0 Oreo វិញ។ នេះបើយោងតាមឯកសារ កំណត់សមត្ថភាពទូរស័ព្ទរបស់ GFXBench។
វាអាចមិនមានអ្វីត្រូវភ្ញាក់ផ្អើលនោះឡើយ អំពី Nokia 9 នោះ ព្រោះកន្លងមកធ្លាប់លេចឮដំណឹងខ្លះៗមកហើយជាមួយការរំពឹងថា វានឹងជាកំពូលស្មាតហ្វូនថ្មី (flagship smartphone) របស់ Nokia។ ក្នុងឯកសារនោះថែមទាំងបានឱ្យដឹងលក្ខណៈសម្បត្តិផ្សេងខ្លះទៀត អំពី Nokia 9 រួមមាន៖
https://youtu.be/xjlLEPn_oE8
-អេក្រង់មានពីរជម្រើស ៥,២អ៊ីញ (2560x1440px) ឬ ៥,៣អ៊ីញ (2560x1440px) ជាប្រភេទ touchscreen ជាមួយការអាចប្រើ ៥ម្រាមក្នុងពេលតែមួយ។
-អង្គប្រតិបត្តិ៖ Octa-core ល្បឿន 2.4GHz SoC Qualcomm (ARMv8)
-GPU ប្រភេទ Qualcomm Adreno 540
-RAM ទំហំ 3.6GB ឬអាចនិយាយបានថា 4GB
-ទំហំអង្គចងចាំ 51GB ឬអាចនិយាយបានថា 64GB
-កាមេរ៉ាក្រោយ 12MP ថតរូបបានកម្រិត (4160x3120px) ថតវីដេអូកម្រិត UHD 4K (3840x2160) ជាមួយមុខងារ autofocus, face detection, flash, HDR photo និង touch focus។
-ចំណែកកាមេរ៉ាមុខទំហំ 12MP ថតរូបកម្រិត (4160x3120px) និងវីដេអូកម្រិត UHD 4K (3840x2160px) ដូចកាមេរ៉ាក្រោយដែរ។
ក្រៅពីនេះ គេរំពឹងទៀតថា Nokia 9 នឹងមានបំពាក់បច្ចេកវិទ្យាស្កេនប្រស្រីភ្នែក iris scanner និងមុខងារមិនជ្រាបទឹក IP68 ដែលអាចមានតម្លៃប្រហែល ៧៤៩អឺរ៉ូ ឬប្រហែល ៨៩០ដុល្លារអាមេរិក៕
ប្រែសម្រួល៖ រឺទ្ធិរាជ
ប្រភព៖ gsmarena
