យើង​បាន​ឮ​ពាក្យ​ចចាមអារ៉ាម​ជាច្រើន​អំពី​ទូរស័ព្ទ iPhone SE ជំនាន់​ទី២។ iPhone SE ​ជំនាន់​ទី១ គឺ​ចេញ​តាំងពី​ខែ​មីនា ឆ្នាំ២០១៦។ Apple ​កំពុង​ត្រៀម​ខ្លួន​រួច​ជា​ស្រេច ដើម្បី​សម្ពោធ​ចេញ iPhone ​តម្លៃ​ធូរ​ថ្លៃ​ជំនាន់​ថ្មី​នេះ។ iPhone ស៊េរី​ថ្មី​នឹង​បង្ហាញ​ខ្លួន​នៅ​ពាក់​កណ្ដាល​ឆ្នាំ២០១៨ ហើយ​វា​នឹង​ត្រូវ​បាន​ផលិត​មាន​លក្ខណៈ​សម្បត្តិ​ខ្ពស់​ជាង iPhone SE ជំនាន់​បច្ចុប្បន្ន។ ការ​រចនា​របស់​ទូរស័ព្ទ​ថ្មី​នេះ គឺ​ត្រូវ​បាន​គេ​រំពឹង​ថា នឹង​នៅ​រក្សា​រូបរាង​ដដែល SE បច្ចុប្បន្ន ប៉ុន្តែ​វា​ទំនង​ជា​នឹង​ទទួល​បាន​ Processor ​ថ្មី និង RAM ​ធំ​ជាង​មុន។ សម្រាប់​តម្លៃ​របស់ iPhone SE ស៊េរី​ឆ្នាំ២០១៨ នេះ ត្រូវ​គេ​រំពឹង​ថា នឹង​មាន​តម្លៃ​ចាប់ពី ៣៤៩ដុល្លារ​ដដែល។ នេះ​គឺ iPhone ធុន​មធ្យម ដែល​មាន​តម្លៃ​ធូរ​ថ្លៃ​ជាង​ ម៉ូដែល​កំពូល​ iPhone X របស់ Apple ឆ្ងាយ​ណាស់ ដែល​វា​មាន​តម្លៃ​ចាប់ពី ៩៩៩ដុល្លារ។ យើង​រំពឹង​នឹង​បាន​ឃើញ iPhone SE ​ថ្មី​ពី​ក្រុមហ៊ុន Apple នៅ​ចុង​ឆ្នាំ២០១៨ នេះ ហើយ​ឆាប់ៗ​ខាង​មុខ​យើង​ក៏​នឹង​ទទួល​បាន​ព័ត៌មាន​រឹតតែ​លំអិត​បន្ថែម​ទៀត​អំពី iPhone SE រួម​ទាំង​កាលបរិច្ឆេទ​សម្ពោធ​ផ្លូវការ ៕ ដោយ៖ រឹទ្ធិរាជ ប្រភព៖ MacRumors