ក្រុមហ៊ុន Microsoft ​កាលពី​ពេល​ថ្មីៗ​នេះ បាន​ធ្វើការ​ត្រួត​ពិនិត្យ​ទៅ​លើ​អាយុកាល​នៃ​ថ្ម​កុំព្យូទ័រ ដែល​ជា​ចំណុច​ស្នូល​យ៉ាង​សំខាន់​មួយ​ក្នុង​ការ​អន្ទង​ចិត្ត​អតិថិជន។ លទ្ធផល​នៃ​ការ​ធ្វើតេស្ត​នូវ​ប្រសិទ្ធភាព​កម្មវិធី browser របស់​ក្រុមហ៊ុន​ស្នាក់ការ​នៅ​ក្រុង redmond អាច​ផ្ដល់​ការ​ចាប់អារម្មណ៍​សម្រាប់​លោក​អ្នក។

តាម​ការ​ធ្វើតេស្ត​ប្រើប្រាស់​កុំព្យូទ័រ​យួរដៃ Surface Book ចំនួន ៣គ្រឿង​ដើរ​ដោយ Windows 10 build 16299 ​ត្រូវ​ក្រុមហ៊ុន Microsoft រក​ឃើញ​ថា ​ការ​បើក​វីដេអូ streaming HTML5 ទម្រង់ fullscreen ដោយ​ប្រើ​កម្មវិធី browser ពេញ​និយម​បច្ចុប្បន្ន​ជំនាន់​ចុងក្រោយ គឺ​ធ្វើ​ឱ្យ​ស៊ី​ថ្ម​របស់​ឡេបថប។ https://youtu.be/9NC_4m1oMIY យោងតាម​ក្រុមហ៊ុន Microsoft ​ឱ្យ​ដឹង​ថា កម្មវិធី Microsoft Edge ​បាន​យក​ឈ្នះ​ការ​ប្រកួត​ប្រជែង browser ដែល​ស៊ី​ថាមពល​តិច​ជាង​គេ ដោយ Edge អាច​សន្សំសំចៃ​ថ្ម​ប្រើ​បាន​រហូតដល់ ១៦ម៉ោង និង ៤១នាទី។ នោះ​គឺ​ស្មើ​នឹង ២៩% មាន​អាយុកាល​វែង​ជាង​កម្មវិធី Chrome, ៤០% យូរ​ជាង Opera និង ៧៩% យូរ​ជាង Firefox៕

ចុះ​ប្រិយមិត្ត​វិញ កំពុង​និយម​ប្រើ​កម្មវិធី browser ណា​ដែរ? ដោយ៖ រឹទ្ធិរាជ ប្រភព៖ techspot