ក្រុមហ៊ុន Microsoft ស្ងាត់ៗចេញលក់កុំព្យូទ័រ Surface ស៊េរីថ្មី ដែលមានពណ៌ ៤ជម្រើស អមជាមួយបន្ទះឈីបផ្សេងៗគ្នាគឺ Intel Core m3, Intel Core i5 ឬ Core i7 និងគាំទ្រ RAM 16GB អង្គចងចាំដល់ 1TB។ តម្លៃឡេបថបថ្មីនេះគឺចាប់ពី ៧៩៩ដុល្លារ ជាម៉ូដែល Intel Core m3 ជាមួយ RAM 4GB និងអង្គផ្ទុកទិន្នន័យ 128GB។ នេះជាការបន្ធូរបន្ថយតម្លៃពី Surface ម៉ូដែលមុន ដែលតម្លៃពីមុនយ៉ាងទាប ៩៩៩ដុល្លារ ជាម៉ូដែល Intel Core i5។
តម្លៃកុំព្យូទ័រ Surface ថ្មីនេះ គឺប្រកួតប្រជែងនឹងម៉ូដែល Surface Pro ស្តង់ដាររបស់ Microsoft ដែលបំពាក់ឈីប Intel Core m3 ហើយមាន RAM 4GB និងអង្គចងចាំទំហំ 128GB។ ក្រុមហ៊ុន Microsoft ហាក់កំពុងព្យាយាមផ្ដោតវាយលុកទីផ្សារ ដើម្បីបង្កើនប្រាក់ចំណូលតាមរយៈជំនួញកុំព្យូទ័រ Surface ដែលបានកើនឡើងត្រឹម ១% ប្រចាំឆ្នាំ ក្នុងត្រីមាសអំឡុងរដូវវិស្សមកាលដ៏មមាញឹកសម្រាប់ក្រុមហ៊ុនផលិត Hardware ល្បីឈ្មោះអាមេរិកនេះ។
វានឹងជារឿងចាប់អារម្មណ៍សម្រាប់អតិថិជន ដែលអាចឃើញកុំព្យូទ័រម៉ាកល្បីៗត្រូវបានផលិតលក់បន្ទាប់តម្លៃ សម្រាប់តម្រូវការអ្នកដែលមានធនធានមធ្យម អាចទទួលយកបទពិសោធន៍ជាមួយ Laptop កូនកាត់នេះបាន។ សម្រាប់តម្លៃឡេបថប Surface ទៅតាមលក្ខណៈសម្បត្តិផ្សេងៗ ប្រិយមិត្តអាចចូលទៅឆែកមើលនៅលើគេហទំព័រផ្លូវការរបស់ Microsoft តាមតំណភ្ជាប់ Link ខាងក្រោមបាន៕
ដោយ៖ រឹទ្ធិរាជ
ប្រភព៖ Microsoft : Windows Central
