ក្រុមហ៊ុន​ឯកទេស​ផលិត​កាមេរ៉ា​អាល្លឺម៉ង់ Leica ​សប្ដាហ៍​នេះ​បាន​ប្រកាស​ចេញ​កាមេរ៉ា​ថ្មី​ជំនាន់ Limited Edition ដើម្បី​អបអរ​ព្រឹត្តិការណ៍ Winter Olympics 2018 ​ឆ្នាំ​នេះ ដែល​នឹង​ប្រារព្ធ​ធ្វើ​នៅ​តំបន់ Pyeongchang ​ក្នុង​ប្រទេស​កូរ៉េ​ខាង​ត្បូង។ កាមេរ៉ា​ថ្មី​នេះ​ត្រូវ​បាន​ហៅ​ឈ្មោះ​ថា Leica Q “Snow” ។

Leica Q “Snow” ​ជា​ជំនាន់​នាឡិកា special edition ​ដែល​ត្រូវ​បាន​ផលិត​ដោយ​សហការ​ជាមួយ​ម្ចាស់​មេដាយ​មាស​អូឡាំពិក​ស្វីស ជើង​ឯង​ពិភពលោក​អ្នក​ជិះ​ក្ដារ​បន្ទះ និង​អ្នក​ថត​រូប​កាមេរ៉ា Leica ​ឈ្មោះ Iouri Podladtchikov ។ កាមេរ៉ា​ជំនាន់​ថ្មី​នេះ ត្រូវ​បាន​ផលិត​ដោយ​ផ្អែក​លើ​លក្ខណៈ​គោល​របស់​ម៉ូដែល Leica Q ​ធម្មតា​អម​ជាមួយ​ការ​ឌីហ្សាញ​ជា​ពណ៌​ទឹកប្រាក់​នៅ​ផ្នែក​លើ​របស់​ម៉ាស៊ីន ជើង​ទម្រ និង​កន្លែង​បញ្ជា​នៅ​លើ​ផ្នែក​ខាង​លើ ក៏​មាន​ពណ៌​ទឹកប្រាក់​ដែរ។ កាមេរ៉ា Leica Q “Snow” ពី Iouri Podladtchikov ​នេះ ត្រូវ​បាន​ផលិត​សុទ្ធសាធ​ពី​ស្បែក​ស្ស៊ីន​ពណ៌​ស បែប​ថ្លៃថ្នូរ ហើយ​បំពាក់​គ្រឿង​បន្សំ accessory ​ស្រោប​ពី​ក្រៅ​ដែល​ផលិត​ពី​សារធាតុ​អាលុយមីញ៉ូម។ Limited Edition Winter Olympics 2018 ​Leica នឹង​មាន​លក់​ជា​ឈុត special edition ​ហើយ​រួម​បញ្ចូល​ទាំង​តួ (body) ​ស្រោម​ស្បែក​ទន់​ចំនួន១ (soft leather case) ​ដែល​មាន​ពណ៌​ស។ អ្នក​អាច​រក​ជាវ​បាន​ពី​ហាង​របស់ Leica ​ផ្ទាល់​អំឡុង​ខែ​មីនា​ខាង​មុខ។ ពេល​នេះ ក្រុមហ៊ុន​មិន​ទាន់​បញ្ជាក់​ឱ្យ​ដឹង​នូវ​តម្លៃ​កាមេរ៉ា​ចេញ​ថ្មី​នេះ​នៅ​ឡើយ។ សម្រាប់​ព័ត៌មាន​លំអិត​បន្ថែម​ប្រិយមិត្ត​អាច​ចូល​ទៅ​គេហទំព័រ​ផ្លូវការ​របស់ Leica ដោយ​ចុច​លើ​តំណភ្ជាប់ Link ខាង​ក្រោម៕ ដោយ៖ រឹទ្ធិរាជ ប្រភព៖ LC