ក្រុមហ៊ុន Samsung ​ត្រូវ​គេ​រាយការណ៍​ថា មាន​គម្រោង​កាត់​បន្ថយ​ចង្វាក់​ផលិតកម្ម​បន្ទះ​អេក្រង់ OLED ​ដោយសារ ដៃគូ​ស្ថានភាព​ទីផ្សារ​របស់ iPhone X ស្មាតហ្វូន​ចុងក្រោយ​របស់ Apple ​ហាក់​នៅ​មាន​កម្រិត។ នេះ​ដោយ​ផ្អែក​តាម​គេហទំព័រ Nikkei Asian Review។

ជំនួស​ឱ្យ​ការ​ផលិត​អេក្រង់ ​ទុក​សម្រាប់​ផ្គត់ផ្គង់​ទូរស័ព្ទ iPhone ប្រមាណ​ពី ៤៥លាន ទៅ ៥០លាន​គ្រឿង​នោះ ពេល​នេះ Samsung នឹង​ធ្វើ​ការ​បន្ថយ​ចំនួន​ផលិត​អេក្រង់​ប្រភេទ light-emitting diode ​នេះ​ឱ្យ​នៅ​ត្រឹម ២០លាន​បន្ទះ iPhone ក្នុង​ត្រីមាស​នេះ។ ក្រុមហ៊ុន Samsung មិន​ទាន់​ធ្វើការ​សម្រេច​ចង្វាក់​ផលិតកម្ម​នូវ​បរិមាណ​អេក្រង់​ប្រចាំ​ត្រីមាស​ខែ​មេសា-មិថុនា នៅ​ឡើយ ប៉ុន្តែ Nikkei ​បាន​រាយការណ៍​ថា អាច​នឹង​ត្រូវ​កាត់​បន្ថយ​ចំនួន​ផលិត។ ក្រុមហ៊ុន Apple ​ក៏​ត្រូវ​គេ​រាយការណ៍​ដែរ​ថា នឹង​កាត់​បន្ថយ​ចង្វាក់​ផលិតកម្ម​ទូរស័ព្ទ iPhone x ​ប្រមាណ​ពាក់​កណ្ដាល ព្រោះ​ដើម្បី​ប្រកួតប្រជែង​ទីផ្សារ​តែ​ទៅ​លើ​ស្មាតហ្វូន​តម្លៃ​ធូរ​ថ្លៃ ងាយស្រួល​ប្រកួតប្រជែង​ជាង iPhone X ដែល​មាន​តម្លៃ ១០០០ដុល្លារ​ទៅ​ហើយ​នោះ។ យ៉ាងណា ពេល​នេះ​យើង​មិន​ទាន់​ឃើញ​ខាង​ក្រុមហ៊ុន Samsung ចេញ​សេចក្ដី​ថ្លែងការណ៍​ផ្លូវការ​ណាមួយ​នៅ​ឡើយ៕ ដោយ៖ រឹទ្ធិរាជ ប្រភព៖ theverge