ក្រោយ​មាន​ព័ត៌មាន​លេច​ចេញ​ហូរហែ​អំពី​លក្ខណៈ​សម្បត្តិ ក៏​ដូច​ជា​រូបរាង Galaxy S9 ពេល​នេះ​វា​ត្រូវ​បាន​ក្រុមហ៊ុន​សម្ពោធ​ចេញ​ផ្លូវការ​ គឺ​នៅ​អំឡុង​ព្រឹត្តិការណ៍ MWC ។ ចំណុច​ពិសេស​លេចធ្លោ​នៅ​លើ Galaxy S9 ​គឺ​ស្ថិត​នៅ​លើ​សមត្ថភាព​កាមេរ៉ា​ទំនើប រីឯ​រូបរាង​ឌីហ្សាញ​ហាក់​មិន​មាន​អ្វី​ផ្លាស់ប្ដូរ​ឡើយ ប្រៀបធៀប​នឹង Galaxy S8 ​ចេញ​ឆ្នាំ​មុន។

ថ្នាក់​ដឹកនាំ​ផ្នែក IT និង Mobile Communications ​របស់ Samsung លោក DJ Koh ​បាន​ឡើង​ឆាក​ធ្វើ​បទបង្ហាញ​ចំពោះ​មុខ​សាធារណជន នូវ​ប្រវត្តិ​ស្មាតហ្វូន​ទំនើប ក៏​ដូច​ជា​ផេប្លេត​របស់​ខ្លួន មុន​នឹង​ការ​ចាប់ផ្ដើម​បង្ហាញ​វត្តមាន Galaxy S9 និង S9 Plus។ ថ្វីត្បិត S9 មាន​រចនាបថ​ស្ទើរ​ដូច​ទាំងស្រុង​នឹង S8 តែ​យ៉ាងហោច ក្រុមហ៊ុន​បាន​បញ្ជាក់​ថា អេក្រង់​ពេញ Infinity display ​មាន​នៅ​លើ S9 ​ថ្មី​នេះ គឺ​ត្រូវ​បាន​សម្រិតសម្រាំង​សម្រាប់ “សម័យកាល​បណ្ដាញ​សង្គម” ដោយ​បាន​សម្រិតសម្រាំង​គិត​ទៅ​លើ​បទពិសោធន៍​អ្នក​ប្រើប្រាស់​នា​យុគ​បច្ចេកវិទ្យា​ដែល​កំពុង​មាន​របត់​ធំៗ​នេះ។

 

ក្រុមហ៊ុន​មិន​អាច​ជម្នះ​ទៅ​ធ្វើ​តាម Apple ​ដោយ​ការ​រចនា​អេក្រង់​បែប​ឆក​បាំង​ផ្នែក​កណ្ដាល និង​ដក​បច្ចេកវិទ្យា​ស្កេន​ក្រយៅដៃ​ដូច​នៅ​លើ iPhone X នោះ​ឡើយ ពោល​ទ្រនាប់​ស្កេន​ក្រយៅដៃ​នៅ​លើ Galaxy S9 ទាំង​ពីរ​សុទ្ធតែ​បាន​បំពាក់​នៅ​ខ្នង​ទូរស័ព្ទ និង​នៅ​ក្រោម lens កាមេរ៉ា ហើយ Samsung ក៏​មិន​ទាន់​ឈាន​ដល់​ការ​បង្កប់ fingerprint sensor ក្រោម​អេក្រង់​ទូរស័ព្ទ​នៅ​ឡើយ។ អេក្រង់​ស្មាតហ្វូន​កំពូល​ទាំង​ពីរ​នេះ​មាន​សមាមាត្រ​អេក្រង់ 18.5:9 ratios, កោង​ឃុប​បន្តិច​នៅ​ផ្នែក​សង​ខាង (ឆ្វេង – ស្ដាំ) ហើយ​តួ​ខ្លួន​ក្រាល​ដោយ​កញ្ចក់​ទាំង​ខាង​មុខ និង​ខាង​ក្រោយ​ដូច S8 ដែរ ជាមួយ​បន្ទះ Super AMOLED ​កម្រិត resolution ​ទំហំ 2960x1440px ​ដូច​គ្នា​ផង​ដែរ តែ​អេក្រង់ Galaxy S9 ថ្មី​ទាំង​ពីរ​នេះ​ភ្លឺ​ជាង។ Galaxy S9 ​មាន​អេក្រង់ ៥,៨អ៊ីញ ភ្ជាប់​មក​ជាមួយ lens កាមេរ៉ា​១ នៅ​ក្រោយ ខណៈ S9+ ​មាន​អេក្រង់ ៦,២អ៊ីញ​ ភ្ជាប់​មក​ជាមួយ​កាមេរ៉ា​ភ្លោះ។

Samsung ​បាន​សម្រិតសម្រាំង​គុណភាព​កាមេរ៉ា​នៅ​លើ Galaxy S9 ​ដោយ​បញ្ចូល​មុខងារ​ឆ្លាតវៃ ជាក់ស្ដែង​បាន​ប្រើ​ពាក្យ​ស្លោក​ប្រចាំ​ស្មាតហ្វូន​កំពូល​នេះ​ថា “reimagined” ​នៅ​ក្នុង​ការ​ផ្សាយ​ពាណិជ្ជកម្ម។ Galaxy S9 ធ្វើ​បាន​កាន់តែ​ល្អ​ឡើង ចំពោះ​ការ​ប្រើ​កាមេរ៉ា​នៅ​កន្លែង​ខ្សោយ​ពន្លឺ ឬ​កន្លែង​ងងឹត ជាមួយ 12MP wide-angle ​នៅ​លើ​ S9 ទាំង​ពីរ​ម៉ូដែល ដែល​នឹង​ធ្វើការ​ផ្លាស់ប្ដូរ​ដោយ​ស្វ័យប្រវត្តិ​រវាង​កម្រិត aperture f/1.5 ​ទៅ f/2.4 ​សម្រាប់​លក្ខខណ្ឌ​ពន្លឺ​ខុស​គ្នា ។ លើស​ពី​នេះ ប្រព័ន្ធ​កាមេរ៉ា​ថ្មី​នៅ​លើ​ស្មាតហ្វូន​ទំនើប​ទាំង​ពីរ អាច​ដំណើរការ​បង្កើត​ទិន្នន័យ​រូប​ច្រើន​ជាង​មុន​ដល់​ទៅ ៤ដង ​នៅ​មុន​ពេល​ប្រព័ន្ធ​កាត់​បន្ថយ​បរិមាណ​គ្រាប់​អុចៗ​ឱ្យ​មាន​ចំនួន​តិច​បំផុត ហើយ​ធ្វើ​ឱ្យ​រូប​នៅ​តែ​រក្សា​ភាព​ច្បាស់​ទោះ​ថត​ចេញ​ពី​កន្លែង​ខ្សោយ​ពន្លឺ។

ការ​ថត Slow-mo ​នៅ​កម្រិត 960fps ​ជាមួយ resolution ​720p ​ដែល​យើង​បាន​ឃើញ​រួច​ហើយ​នៅ​លើ​ស្មាតហ្វូន Sony Xperia ​ដែល​អាច​បង្កើត​វីដេអូ​ឃ្លីប​នៅ​រយៈពេល ៦វិនាទី ​ឬ​ចំនួន scenes ​ដល់​ទៅ ២០ បាន។ វា​មាន​លក្ខណៈ​ដូច​គ្នា​ច្រើន​ទៅ​នឹង Animojis ​របស់ Apple ដោយ​មុខងារ AR emoji ​របស់ Samsung អាច​ឱ្យ​អ្នក​ប្រើ​បង្កើត​រូប​មនុស្ស​ធ្វើ​ដូច​ជា​រូប avatar ហើយ​ថែមទាំង​មាន​ទម្រង់​បែប​ផ្ទាល់​ខ្លួន​នៃ​មុខ​មនុស្ស​ផ្សេងៗ​គ្នា និង​ការ​កំណត់​ផ្សេងៗ។ ក្រុមហ៊ុន Samsung បាន​លើកឡើង​ថា emojis អាច​ឱ្យ​គេ share ​គ្រប់​ទូរស័ព្ទ និង​តាម​កម្មវិធី​ប្រភេទ third-party app បាន ហើយ​អ្នក​ប្រើ​ក៏​អាច​បម្លែង​មុខមាត់​ខ្លួន​ធ្វើ​ដូច​ជា Mickey Mouse ឬ​សមាជិក The Incredible ផង​ដែរ។ អ្នក​ប្រើ S9 ​អាច​ប្រើ​បច្ចេកវិទ្យា AI ដើម្បី​ភ្ជាប់​ប្រើ​មុខងារ​ដូច​ជា live language translation និង login ​ក្នុង nutritional information ​លើ​ម្ហូបអាហារ ដោយ​ប្រើ​កាមេរ៉ា ដើម្បី​មើល​ដឹង​ពី​ព័ត៌មាន​ផ្សេងៗ រួម​ទាំង​កម្រិត​កាឡូរី​បាន។ S9 ​ថែមទាំង​មាន​ប្រព័ន្ធ​សំឡេង​ទំនើប AKG-tuned Dolby Atmos ជា​ប្រភេទ 3D sound ​នៅ​លើ speaker ១គូ​នៅ​លើ​នោះ ហើយ​ក៏​មាន​រន្ធ​កាស​ប្រភេទ 3.5mm មក​ជាមួយ​ដែរ។ Galaxy S9 Unlocked ​មាន​តម្លៃ ៧១៩.៩៩ដុល្លារ ខណៈ S9+ ​នឹង​មាន​តម្លៃ ៨៣៩,៩៩ដុល្លារ។ Galaxy S9 ទាំង​ពីរ​នឹង​មាន​ដាក់​ឱ្យ​បញ្ជាក់​ទិញ​ចាប់ពី​ថ្ងៃ​ទីៅ១៦ ខែ​មីនា​ក្រោយ​នេះ។ អ្នក​អាច​ជ្រើសរើស​ពណ៌​ S9 / S9+ ដូច​ជា ៖ Midnight Black, Titanium Gray, Coral Blue និង Lilac Purple ។ លក្ខណៈ​សម្បត្តិ​លំអិត​របស់ Galaxy S9 ៖

>Processor: Qualcomm Snapdragon 845 octa-core (Exynos outside the US) >Display: 5.8 inch 2960x1440 pixels resolution Super AMOLED >Operating system: Android 8 Oreo >RAM: 4GB >Storage: 64/128/256GB internal with microSD card slot >Cameras: Super speed dual pixel 12 megapixel with OIS and mechanical dual aperture (f/1.5 and f/2.4). Front 8 megapixel       camera, f/1.7. >Battery: 3000 mAh with fast wired and wireless charging >Water resistance: IP68 >Wireless connectivity: 802.11 a/b/g/n/ac WiFi, NFC, Bluetooth 5, ANT+, NFC, GPS, Glonass, Galileo, BeiDou, MST >Audio: Dual stereo speakers tuned by AKG with Dolby Atmos, 3.5mm headset jack >Sensors: Iris, pressure, Accelerometer, barometer, fingerprint, gyro, magnet, heart rate, proximity, RGB light >Dimensions: 147.7 x 68.7 x 8.5 mm and 163 grams

លក្ខណៈ សម្បត្តិ​នៅ​លើ Galaxy S9+ ៖

>Processor: Qualcomm Snapdragon 845 octa-core (Exynos outside the US) >Display: 6.2 inch 2960x1440 pixels resolution Super AMOLED >Operating system: Android 8 Oreo >RAM: 6GB >Storage: 64/128/256GB internal with microSD card slot >Cameras: Super speed dual pixel 12 megapixel with OIS and mechanical dual aperture (f/1.5 and f/2.4) and 12 megapixel f/2.4 telephoto camera. Front 8 megapixel camera, f/1.7. >Battery: 3500 mAh with fast wired and wireless charging >Water resistance: IP68 >Wireless connectivity: 802.11 a/b/g/n/ac WiFi, NFC, Bluetooth 5, ANT+, NFC, GPS, Glonass, Galileo, BeiDou, MST >Audio: Dual stereo speakers tuned by AKG with Dolby Atmos, 3.5mm headset jack >Sensors: Iris, pressure, Accelerometer, barometer, fingerprint, gyro, magnet, heart rate, proximity, RGB light >Dimensions: 158.1 x 73.8 x 8.5 mm and 189 grams

ដោយ៖ រឹទ្ធិរាជ ប្រភព៖ phonearena