Oppo ​បាន​ប្រកាស​ស្មាតហ្វូន R11s ​កាលពី​ខែ​វិច្ឆិកា​កន្លង​ទៅ ដូច្នេះ​វា​ជា​គំលាត​ពេលវេលា​ស័ក្ដិសម​ក្នុង​ការ​បញ្ចេញ​សមិទ្ធផល​ថ្មី​របស់​ក្រុមហ៊ុន​ទូរស័ព្ទ​ចិន​នេះ​ទៀត​ហើយ។ ក្រុមហ៊ុន​ស្មាតហ្វូន​កំពុង​ឡើង​កូដ​នេះ ទើប​ត្រូវ​បាន​បង្ហើប​នៅ​ក្នុង​រូប​មួយ​សន្លឹក បង្ហោះ​ចូល​បណ្ដាញ​សង្គម Weibo ​ដែល​ហៅ​ឈ្មោះ​ថា R15 និង R15 Plus ។ វា​នឹង​ជា​ស្មាតហ្វូន​កំពូល​របស់ Oppo ​ដែល​នឹង​មាន​រចនាបថ​ឌីហ្សាញ​ថ្មី មាន​គែម​ស្ដើង អេក្រង់​បែប​ឆក (notch) នៅ​ផ្នែក​ខាង​លើ ។

Oppo ​នឹង​ជា​ក្រុមហ៊ុន​ទូរស័ព្ទ​បន្ទាប់ ដែល​នឹង​ប្រើ​អេក្រង់​ទំនើប ឌីហ្សាញ​យ៉ាង​ទាន់សម័យ​មាន notch ​ខាង​លើ បន្ទាប់​ពី​ក្រុមហ៊ុន Essential និង Sharp ​ប៉ុន្តែ​មក​ពេញ​និយម​ដោយ iPhone X របស់ Apple ទៅ​វិញ។ ស្មាតហ្វូន​ស៊េរី​ក្រោយ​នេះ នឹង​បង្ហាញ​ខ្លួន​ជាមួយ​សមត្ថភាព​ខ្ពស់​នៅ​លើ​កាមេរ៉ា​មុខ ដែល​បច្ចេកវិទ្យា​ដូច​នៅ​លើ ZenFone 5 ដែល​ទើប​ប្រកាស​ចេញ​នៅ MWC 2018 ​ថ្មីៗ​នេះ។

ក្រុមហ៊ុន​មិន​ទាន់​បាន​ប្រកាស​នូវ​លក្ខណៈ​សម្បត្តិ​លំអិត​ជុំវិញ​ស្មាតហ្វូន​ស៊េរី​ក្រោយ​នេះ​របស់​ខ្លួន​នៅ​ឡើយ។ វា​ទំនង​នឹង​ត្រូវ Oppo ​សម្ពោធ​ចេញ អម​ដោយ​ការ​បំពាក់​ឈីប Snapdragon ជំនាន់​ថ្មី snapdragon 700-series ​ជាមួយ​បច្ចេកវិទ្យា AI platform ​ដែល​ក្រុមហ៊ុន Qualcomm ទើប​សម្ពោធ​ថ្មីៗ​នេះ៕ ដោយ៖ រឹទ្ធិរាជ ប្រភព៖ gsmarena