យើង​បាន​ឃើញ​ស្មាតហ្វូន​ស៊េរី​ថ្មីៗ​ជាច្រើន​បង្ហាញ​ខ្លួន​ក្នុង​ព្រឹត្តិការណ៍ MWC ​ថ្មីៗ​នេះ ដែល​ក្នុង​នោះ​រួម​ទាំង Nokia ​ថ្មី​ពីរ​ម៉ូដែល​ទៀត​ផង ​គឺ Nokia 6 និង Nokia 8 Sirocco ។ ហើយ​ពេល​នេះ​យើង ទើប​មាន​សេចក្ដី​រាយការណ៍​អំពី​ស្មាតហ្វូន Nokia ​ថ្មី​ដែល​រំពឹង​ជា Nokia 9 ​ត្រូវ​ប្រភព​រាយការណ៍​ថា នឹង​បង្ហាញ​ខ្លួន​ផ្លូវការ​នៅ​ចុង​ឆ្នាំ២០១៨ នេះ។ https://youtu.be/UAkTxuriP-M ​យើង​ទើប​បាន​ឮ​ដំណឹង​ចចាមអារ៉ាម​ខ្លះៗ​អំពី Nokia 9 ​ស្មាតហ្វូន​ថ្មី​របស់​ក្រុមហ៊ុន​ហ្វាំងឡង់​នេះ ដែល​ត្រូវ​គេ​រំពឹង​ថា នឹង​បំពាក់​ប្រព័ន្ធ​កាមេរ៉ា​ថ្មី​ទំនើប​ចុងក្រោយ ខាង​មុខ​ជា​កាមេរ៉ា​ភ្លោះ ​(dual selfie scamera) ​ហើយ​កាមេរ៉ា​ក្រោយ​ប្រើ​នូវ​បច្ចេកវិទ្យា​ខ្ពស់​ចុងក្រោយ។ យោងតាម​របាយការណ៍​ថ្មី​មួយ​ឱ្យ​ដឹង​ថា Nokia 9 នឹង​បំពាក់​ដោយ​ឈីប Qualcomm Snapdragon ​845 ។ យើង​រំពឹង​ថា Nokia 9 ​នឹង​មាន RAM 6GB ភ្ជាប់​ដោយ​ទំហំ​អេក្រង់ ៥,៧អ៊ីញ។ វា​នឹង​ត្រូវ​ក្រុមហ៊ុន​សម្ពោធ​ផ្លូវការ​នៅ​អំឡុង​ខែ​កញ្ញា ​ខាង​មុខ។ ទន្ទឹម​នេះ ក៏​មាន​របាយការណ៍​ធ្លាប់​លើកឡើង​អំពី​វត្តមាន Nokia 8 Pro ​អាច​នឹង​ត្រូវ​សម្ពោធ​ក្នុង​កាលបរិច្ឆេទ​ប្រហាក់ប្រហែល​គ្នា​ផង​ដែរ៕ ​ដោយ៖ រឹទ្ធិរាជ ប្រភព៖ NPU