Ford ​បាន​ជ្រើសរើស​ទីក្រុង Miami នៅ​ភាគ​អាគ្នេយ៍​សហរដ្ឋ​អាមេរិក ធ្វើ​ជា​មូលដ្ឋាន​សម្រាប់​អភិវឌ្ឍ​កង​រថយន្ត​បើកបរ​ស្វ័យប្រវត្តិ​អនាគត។ ក្រុមហ៊ុន​រថយន្ត​អាមេរិក​នេះ បាន​កំពុង​អភិវឌ្ឍ​រថយន្ត​បើកបរ​ស្វ័យប្រវត្តិ​ដែល​ពេញ​លក្ខណៈ ហើយ​អាច​នឹង​ត្រូវ​ដាក់​ឱ្យ​ចរាចរ​តាម​ដង​ផ្លូវ​ជា​រថយន្ត​តាក់ស៊ី ឬ​ជា​រថយន្ត​សម្រាប់​ដឹក​ភ្ញៀវ។ វា​នឹង​ត្រូវ​សម្ពោធ​ផ្លូវការ​នៅ​អំឡុង​ឆ្នាំ២០២១ ខាង​មុខ។

ក្រុមហ៊ុន Ford ​នឹង​បង្កើត​ស្ថានីយ​ដឹកជញ្ជូន​នៅ​ក្នុង​ទីក្រុង Miami ហើយ​នឹង​ចាប់ផ្ដើម​ជាមួយ​ដៃគូ​ដូច​ជា Domino និង Postmaste ។ Miami ត្រូវ​បាន​ជ្រើសរើស​ធ្វើ​ជា​ទីតាំង អភិវឌ្ឍ​ស៊េរី​រថយន្ត self-driving ​គឺ​ដោយសារ​ទីនោះ មាន​បញ្ហា​ប្រឈម​ក្នុង​ការ​បើកបរ តែ​ក៏​មាន​លក្ខខណ្ឌ​អាកាសធាតុ​ល្អ​ផង​ដែរ។ ក្រុមហ៊ុន Ford មាន​គម្រោង​ដ៏​ធំ​ក្នុង​ការ​នាំ​យក​រថយន្ត​អគ្គិសនី​ពេញ​លក្ខណៈ​នេះ​បញ្ចេញ​នៅ​លើ​ទីផ្សារ​ក្នុង​ឆ្នាំ២០២១ ខាង​មុខ ដើម្បី​សម្រួល​វិស័យ​ដឹក​ជញ្ជូន រាប់​ទាំង​ការ​ដឹក​ឥវ៉ាន់​ផង​ដែរ ហើយ​ក៏​ប្រហែល​នឹង​មិន​មែន​ដៃ​ចង្កូត​រថយន្ត​ ឬ​មិនមែន​អ្វី​ចាំបាច់​នឹង​ឱ្យ​មនុស្ស។ ក្រុមហ៊ុន Ford ​បាន​លើកឡើង​ថា ក្រុមហ៊ុន​បាន​ចំណាយ​ពេល​ជា​ច្រើន​ឆ្នាំ​ក្នុង​ស្រាវជ្រាវ និង​អភិវឌ្ឍ​បច្ចេកវិទ្យា​បើកបរ​ស្វ័យប្រវត្តិ សិក្សា​ពី​ការ​ផ្លាស់ប្ដូរ​ឥរិយាបថ​របស់​អតិថិជន ​បម្រើ​សេវា​ដល់​អតិថិជន​ប្រកប​ដោយ​ភាព​ច្នៃប្រឌិត៕ ដោយ៖ រឹទ្ធិរាជ ប្រភព៖ businessinsider