ក្រុមហ៊ុន​ទូរស័ព្ទ Huawei ​ថ្មីៗ​នេះ​បាន​បន្ត​ជំរុញ​សករាជ​ស្មាតហ្វូន​កាមេរ៉ា៤ របស់​ខ្លួន​ជាមួយ​ម៉ូដែល Y9 ស៊េរី​ឆ្នាំ (២០១៨) ​នៅ​ក្នុង​ប្រទេស​ថៃ។ វា​ជា​ស្មាតហ្វូន​ធុន​មធ្យម ដែល​ខ្ចី​លក្ខណៈ​សម្បត្តិ​ខ្លះ​ពី Mate 10 Lite តែ​ត្រូវ​បាន​​ឌីហ្សាញ​រូបរាង​ខុស​ប្លែក​គ្នា។

Y9 (2018) នេះ​មាន​អេក្រង់ ៥,៩៣អ៊ីញ​ប្រភេទ IPS LCD ​កម្រិត resolution ទំហំ 1080x2160px ​ជា Full HD ថ្មី។ គ្រឿង​ក្នុង​ភ្ជាប់​ដោយ​ឈីប Kirin 659 ​និង​មាន RAM 3GB ​អង្គ​ចងចាំ 32GB (អាច​បន្ថែម microSD) បាន។

ប្រព័ន្ធ​កាមេរ៉ា​ស្មាតហ្វូន​ក្រុមហ៊ុន​ចិន​ Huawei Y9 (2018) ​ហាក់​បាន​ខ្ចី​ពី Mate 10 Lite ​ដោយ​កាមេរ៉ា​មេ​ទំហំ 16MP នៅ​ខាង​ក្រោយ ហើយ​កាមេរ៉ា​មុខ​ទំហំ 13MP ​ចំណែក​កាមេរ៉ា​ទី២ សម្រាប់​ជំនួយ​គុណភាព​​បន្ថែម​ទាំង​មុខ និង​ខាង​ក្រោយ គឺ​មាន​ទំហំ 2MP ​ប្រភេទ depth sensor ដូច​គ្នា។ យ៉ាងហោច​ណាស់ Y9 (2018) ​ត្រូវ​បាន​ផលិត​មាន​ចំណុច​ល្អ​ជាង​ស៊េរី Mate ​ព្រោះ​វា​ដំណើរការ​ដោយ Android Oreo ​ខណៈ 10 Lite ប្រើ​ត្រឹម Nourgat ​ហើយ​កម្លាំង​ថ្ម​នៅ​លើ Y9 ​ក៏​ខ្លាំង​ជាង ដែល​មាន​ថាមពល​ដល់ 4000mAh ​ខណៈ Mate 10 Lite ​មាន​ត្រឹម 3340mAh៕ ដោយ៖ រឹទ្ធិរាជ ប្រភព៖ gsmarena