ក្រុមហ៊ុន Client Solution Division (CSD) របស់ Toshiba ​ថ្មីៗ​នេះ​បាន​ណែនាំ​ឧបករណ៍ Wearable ជំនាន់​ថ្មី​សម្រាប់​ដំណោះស្រាយ​បង្ហាញ​ទិដ្ឋភាព​ពិត Augmented Reality Solution ដែល​ច្របាច់​បញ្ចូល​គ្នា​រវាង​ប្រព័ន្ធ Microsoft Windows 10 ​ជាមួយ​វ៉ែនតា​ឆ្លាតវៃ smart glass។ ឧបករណ៍​នេះ​មាន​ឈ្មោះ​ថា Toshiba dynaEdge AR Smart Glass អម​ជាមួយ​អេក្រង់ dynaEdge AR100 Head Mounted Display (HMD) ​ដំណើរការ​បាន​ដោយ​មាន​ប្រព័ន្ធ​កុំព្យូទ័រ​ប្រភេទ​តូច Mobile mini PC ​ឱ្យ​ឈ្មោះ​ថា dynaEdge DE-100 ដែល​ប្រើ​ជា​ប្រព័ន្ធ Wearable PC System បាន។

​សម្រាប់​តម្លៃ​ឈុត​ឧបករណ៍​ទំនើប​នេះ គឺ​ចាប់ពី ១៩០០ដុល្លារ ដែល​មាន dynaEdge AR Smart Glasses ​និង Wearable Mini PC System ​ដែល​នឹង​មាន​លក់​ជាមួយ​ជម្រើស​លក្ខណៈ សម្បត្តិ​អាស្រ័យ​តាម​តម្រូវការ​អ្នក​ប្រើ មាន​ដូច​ជា CPU, RAM និង​អង្គ​ផ្ទុក​ទិន្នន័យ​ជាដើម។ ក្រុមហ៊ុន Toshiba ថែមទាំង​បាន​បង្កើត developer SDK ​ដែល​អាច​ប្រើ​សម្រាប់​បង្កើត​កម្មវិធី (Application) ផ្អែក​តាម​តម្រូវការ​ប្រើប្រាស់​ផ្សេងៗ​ពី​បណ្ដា​រោងចក្រ សហគ្រាស ក៏​ដូច​ជា​អ្នក​ប្រើប្រាស់​ទូទៅ។

dynaEdge AR Smart Glasses ​និង​គ្រឿង​បន្សំ​ជា​ឈុត​របស់​វា នឹង​មាន​លក់​ក្នុង​ត្រីមាស​ទី២ ឆ្នាំ២០១៨។ ខាងក្រោម​នេះ​ជា​លក្ខណៈ​សម្បត្តិ​លំអិត​នៅ​លើ​ឧបករណ៍​ពិសេស​នេះ៖

​ដោយ៖ រឹទ្ធិរាជ ប្រភព៖ businessinsider